08:26, 17 - ءساۋىر 2019 | GMT +6
گەننادي گولوۆكيننىڭ كەلەسى ايقاسى قاشان جانە قايدا وتەتىنى بەلگىلى بولدى
نۇر-سۇلتان. قازاقپارات - ورتا سالماقتاعى بۇرىنعى الەم چەمپيونى گەننادي گولوۆكين (38-1-1، 34 ك و) ماۋسىمدا رينگكە ورالادى، دەپ حابارلايدى قازاقپارات Sports.kz سايتىنا سىلتەمە جاساپ.
ول 8- ماۋسىمدا نيۋ-يوركتە (ا ق ش) Madison Square Garden ارەناسىندا 35 جاستاعى كانادالىق بوكسشى ستيۆ روللسپەن (19-0، 10 ك و) كەزدەسەدى.
بۇل تۋرالى تۋيتتەردە Yahoo! Sports جۋرناليسى كريس مەننيكس جازدى. ول DAZN ستريمينگتىك پلاتفورماسىندا - گولوۆكيننىڭ جاڭا سەرىكتەسىندە جۇمىس ىستەيدى.
ەسكە سالايىق، گەننادي سوڭعى جەكپە-جەگىن 2018-جىلدىڭ 15- قىركۇيەگىندە وتكىزدى. ول تورەشىلەردىڭ باسىم كوپشىلىگىنىڭ شەشىمىمەن مەكسيكالىق ساۋل الۆارەستەن (51-1-2، 34 ك و) جەڭىلىپ قالدى. روللس سوڭعى رەت 15- جەلتوقساندا رينگكە شىعىپ، تورەشىلەردىڭ شەشىمىمەن امەريكالىق كەاندر لەزەرۆۋدتى (21-6-1، 13 ك و) جەڭگەن ەدى.