تۇركىستان وبلىسىندا ەرەكشە توي كورتەجى ءجۇرىپ ءوتتى
تۇركىستان وبلىسى ورداباسى اۋدانى تورتكۇل اۋلىنىڭ جاستارى دارحان مەن مارال وتكەن جىلدىڭ سوڭىندا وتاۋ قۇرعان. وتاعاسى دارحان بيىل تويلارىن ەرەكشە وتكىزۋدى ويلاپ، توي كورتەجىندە تراكتورمەن ءجۇرۋ تۋرالى دوستارىمەن جانە اۋىلداستارىمەن اقىلداسىپتى.
بۇل يدەيانى جىگىتتىڭ جارى توي بولاردان ءسال عانا بۇرىن بىلگەن. بوساعا اتتاعان كەلىنشەك ءۇشىن بۇل كورتەج توسىن سىي بولىپتى. «باسىندا ەسكى كولىكپەن شىعامىن دەگەن ويىم بار ەدى. «موسكۆيچتەردى» ىزدەستىردىم، ءبىراق تاپپادىم. ءسويتىپ تراكتورمەن ءجۇرۋ تۋرالى ويىمدى ايتقاندا ەلدەر كۇلە قارادى. ولاي بولمايدى عوي، دەپ قارسىلىق بىلدىرگەن. ونداي نارسە بولماعان دەگەن دە بولاتىن. كەيىننەن ءبارى مەنى قولداپ تراكتورلارىن ساندەپ، اۋىلدى ارالاپ، اۋىلدىڭ بالالارى الدىمىزدان شىعىپ، مارە-سارە بولىپ جاتتى»، - دەيدى ءوز تويىن ەرەكشە ۇلگىدە وتكىزگەن دارحان.
دارحاننىڭ ءوزى تراكتوريست، م ت ز-80 ماركالى تراكتورى بار. اۋىلداعى بارشا تراكتورشىلار دارحاننىڭ بۇل يدەياسىن قولداي كەتىپ، جاستاردىڭ تويىنا وزدەرىنىڭ دە ۇلەستەرىن قوسۋعا اتسالىسىپتى. ولار دا ءوز تراكتورلارىن ساندەپ، كورتەج قاتارىنا قوسىلعان.