فيدەرلىك جەلىمەن العاشقى قازاقستاندىق جۇك كەمەسى باكۋگە اتتاندى
«تۇركىستان» كەمەسى سالماعى ەكى توننالىق كونتەينەرلەردىڭ 225 ءىن سىيدىرا الادى. جوبا جۇك تاسىمالىن %10 ارتتىرۋعا مۇمكىندىك بەرمەك.
فيدەرلىك جەلىنىڭ ەرەكشەلىگى - ەكسپورتتىق جۇكتەر جەدەل جەتكىزىلەدى. قاتىناۋ ۋاقىتى قىسقا. ماسەلەن، استىق ونىمدەرى باكۋگە 2 كۇندە، وزگە دە ترانزيتتىك جۇكتەر تۇركيا ارقىلى ەۋروپا ەلدەرىنە 16 تاۋلىكتە تاسىمالدانادى. جۇكتەر بۇرىنعىداي پورتتا كەزەك كۇتپەي، كەمەگە بىردەن تيەلەدى. ەندى «تۇركىستاننان» بولەك، تاعى 3 كەمە كەستەگە ساي، اپتاسىنا ءبىر رەت تۇراقتى تۇردە كاسپي ايدىنىنا جىبەرىلمەك.
بۇگىن جولعا شىققان «تۇركىستان» جۇك كەمەسىنە بيداي مەن بۇرشاق تولى كونتەينەرلەر تيەلدى. سۋ كەمەسى تاۋاردى كاسپي ايدىنىنداعى باكۋ پورتىنا جەتكىزەدى. وسىلايشا، قازاقستاندىق ءونىم ءارى قاراي ەۋروپاعا جونەلتىلەدى.
«وزدەرىڭىز بىلەسىزدەر، ەلىمىزدىڭ ترانزيتتىك الەۋەتىن دامىتۋعا ەرەكشە نازار اۋدارىلۋدا. ماڭعىستاۋ ءوڭىرى - تەڭىز ينفراقۇرىلىمىن شوعىرلاندىرۋ جانە پايدالانۋ ورتالىعى بولا وتىرىپ، حالىقارالىق ەكونوميكالىق ىنتىماقتاستىقتى ارتتىرۋعا دا ۇلەس قوسىپ جاتىر. فيدەرلىك جەلىنى ىسكە قوسۋ ارقىلى اقتاۋ پورتى ارقىلى تيەلگەن جۇك كولەمى بيىل %10، 2020 -جىلى%22 ارتادى. بۇدان بولەك، كوپتەگەن شەتەلدىك ينۆەستورلاردى تارتۋعا جول اشىلادى» ، - دەدى جوبانىڭ ىسكە قوسىلۋىنا ارنالعان شارادا «سامۇرىق- قازىنا» ۇلتتىق ءال- اۋقات قورى» ا ق باسقارما ءتوراعاسى احمەتجان ەسىموۆ.
جوبانىڭ ماڭىزدىلىعىن «قازاقستان تەمىر جولى» ۇ ك» ا ق باسقارما ءتوراعاسى ساۋات مىڭبايەۆ تا اتاپ ءوتتى.
«بۇل ماڭىزدى ۇلكەن جوبا. ولاي بولاتىنى، سوناۋ شىعىس قىتايدىڭ ليانيۋنگانىنان باستالعان جۇكتەر بارلىق قىتايدىڭ تەرريتورياسىمەن، ءبىزدىڭ ەلدىڭ اۋماعىنان ءوتىپ، وسى فيدەرلىك كەمەمەن كاۆكاز مەملەكەتتەرىنە، تۇركياعا، قارا تەڭىزدىڭ ماڭايىنداعى ەۋروپالىق مەملەكەتتەرگە بارادى» ، - دەدى ول.
شارا سوڭىندا «قازاقستان تەمىر جولى» ا ق مەن «قازمۇنايگاز» ا ق اراسىندا قۇرعاق جۇكتەردى تاسىمالداۋ جونىندە كەلىسىمگە قول قويىلدى.