+7 (701) 759 90 19
7 °С : نۇر-سۇلتان
7 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

مەملەكەت باسشىسى قايرات كەلىمبەتوۆتى قابىلدادى

16 ءساۋىر 19:05
:ءبولىسۋ
مەملەكەت باسشىسى قايرات كەلىمبەتوۆتى قابىلدادى

نۇر- سۇلتان. قازاقپارات - قازاقستان پرەزيدەنتى «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆتى قابىلدادى، دەپ حابارلايدى اقوردا.

مەملەكەت باسشىسىنا «استانا» حالىقارالىق قارجى ورتالىعىنىڭ قارجى نارىعىن دامىتۋ، قارجىلىق قىزمەتتەردى تۇتىنۋشىلار مەن ينۆەستورلاردىڭ قۇقىقتارى مەن مۇددەلەرىن قورعاۋ، سونداي- اق، ساۋدا جانە ينۆەستيتسيالىق ىنتىماقتاستىق سالالارىنداعى جۇمىسىنىڭ نەگىزگى قورىتىندىلارى جونىندە مالىمەت بەرىلدى.

قاسىم- جومارت توقايەۆ «استانا» حالىقارالىق قارجى ورتالىعىنىڭ قۇرىلۋى «100 ناقتى قادام» ۇلت جوسپارىنىڭ ءبىر بولىگى ەكەنىن اتاپ ءوتىپ، جۇكتەلگەن مىندەتتەردى ءتيىمدى ورىنداۋ قاجەتتىگىن ايتتى.

قايرات كەلىمبەتوۆتىڭ اقپاراتى بويىنشا ورتالىقتا بارلىق قاجەتتى ينفراقۇرىلىم، سونىڭ ىشىندە «استانا» حالىقارالىق قارجى ورتالىعىنىڭ سوتى، حالىقارالىق اربيتراج ورتالىعى، قارجىلىق قىزمەتتەردى رەتتەۋ جونىندەگى جانە حالىقارالىق بيرجا كوميتەتى ورنالاسقان. تاراپتاردىڭ الەمنىڭ كەز كەلگەن نۇكتەسىنەن «استانا» حالىقارالىق قارجى ورتالىعىنىڭ سوتى مەن حالىقارالىق اربيتراج ورتالىعىنا ەلەكتروندى تۇردە تالاپ ارىز بەرۋىنە مۇمكىندىك تۋعىزاتىن ەjustice - ونلاين- پورتالىن ىسكە قوسۋ جوسپارلانۋدا.

سونىمەن قاتار، قازاقستان پرەزيدەنتىنە ەلىمىزدە ينۆەستيتسيالىق احۋالدى جاقسارتۋ ءۇشىن جاسالعان جاعدايدىڭ ارقاسىندا قازاقستاننىڭ قارجى ورتالىعى GFCI قارجى ورتالىقتارىنىڭ جاھاندىق يندەكسىڭدە ءارتۇرلى 102 حالىقارالىق ورتالىقتىڭ ىشىندە 51- ورىنعا كوتەرىلگەنى تۋرالى اقپارات بەرىلدى.

سوڭىندا مەملەكەت باسشىسى «استانا» حالىقارالىق قارجى ورتالىعىن ودان ءارى دامىتىپ، ىلگەرىلەتۋ ءۇشىن ءبىرقاتار ناقتى تاپسىرما بەردى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات