+7 (701) 759 90 19 Лента
-1 °С : استانا
15 °С : الماتى
USD 379.29 EUR 426.40
RUB 5.93 CNY 56.58
جاڭالىقتار

قازاقستاندىق ەرەكشە كۇش يەسى حالىقارالىق تۋرنيردە جەڭىسكە جەتتى

16 ءساۋىر 20:46 282
:ءبولىسۋ
قازاقستاندىق ەرەكشە كۇش يەسى حالىقارالىق تۋرنيردە جەڭىسكە جەتتى

نۇر-سۇلتان. قازاقپارات - كۇش ەكستريمىنەن قازاقستان رەكوردشىسى سەرگەي سىرۋلنيكوۆ سانكت-پەتەربۋرگ قالاسىندا وتكەن Vortex Sport Battle 7 تۋرنيرىندە رەسەيلىك مىقتىنى جەڭدى، دەپ حابارلايدى قازاقپارات ءتىلشىسى.

«پوستكەڭەستىك كەڭىستىكتىڭ مىقتى اتلەتتەرى قاتىساتىن بۇل تۋرنيرگە وزگە دە ەلدەردەن الىپ كۇش يەلەرى شاقىرىلادى. جارىس كۇش ەكستريمى، كروسسفيت جانە وزگە دە سپورت تۇرلەرى بويىنشا ءوتتى»، - دەدى ول.

س. سىرۋلنيكوۆ «ساحنالىق ەكستريم» جارىسىنا قاتىسقان. ول 5 تاپسىرمادان تۇرادى. الدىمەن ۇزىندىعى 200 م م-لىك شەگەنى ءورىپ، ودان كەيىن 5 شەگەنى تاقتايعا قاعۋ كەرەك. ءۇشىنشى سايىستا سپورتشىلار «بورجومي» بانكىسىن قولمەن مىجعىلايدى. ال ءتورتىنشى كەزەڭدە بەس كۇنتىزبەنى جىرتۋى ءتيىس. سوڭعى ساتىدا سپورتشىلارعا قالىڭدىعى 16 م م بولاتىن 3 تەمىر تاياقتى بۇگۋگە تۋرا كەلەدى. وسى سايىستا قازاقستان سپورتشىسىنا رەسەيدىڭ بەس دۇركىن رەكوردشىسى، الەم رەكوردىنىڭ يەسى ميحايل ساۆين قارسىلاس بولدى.

«باستاپقى 4 كەزەڭدى ەكەۋمىز دە وڭاي ءارى بىردەي اياقتادىق. سوڭعى تاپسىرمادا ەكەۋىمىزدە دە پروبلەما تۋىندادى. قورىتىندىسىندا 5 مينۋت ۋاقىتىمدى شىعىنداپ، ءبىر تەمىر تاياقتى بۇگە الدىم. ال ميحايل ولاي جاساي المادى. ءسويتىپ، مەن جەڭىمپاز بولدىم»، - دەيدى قازاقستاندىق الىپ كۇش يەسى.


قازاقستاندىق ەرەكشە كۇش يەسى حالىقارالىق تۋرنيردە جەڭىسكە جەتتى

ەسكە سالا كەتسەك، وتكەن جىلدىڭ مامىر ايىندا سەرگەي سىرۋلنيكوۆ سالماعى 148 توننالىق ۆاگون تىركەۋلى تەپلوۆوزدى بىرنەشە مەترگە سۇيرەپ اپارىپ، رەكورد جاساعان. ال وتكەن جىلدىڭ سوڭىندا قازاقستان مەن رەسەيدىڭ ءوڭىرارالىق ىنتىماقتاستىعىنىڭ XV فورۋمىندا اقمولالىق پالۋان رەسەي فەدەراتسياسىنىڭ پرەزيدەنتى ۆلاديمير پۋتينگە ەكى ەل دوستىعىنىڭ سيمۆولى رەتىندە ورىلگەن شەگەلەردى سىيعا تارتقان ەدى.

 
قازاقستاندىق ەرەكشە كۇش يەسى حالىقارالىق تۋرنيردە جەڭىسكە جەتتى 
قازاقستاندىق ەرەكشە كۇش يەسى حالىقارالىق تۋرنيردە جەڭىسكە جەتتى 


باستى سوزدەر: سپورت,
:ءبولىسۋ

اأتور:

novasa

ونلاين قىزمەتكەرلەر
مۇراعات