قازاقستاننىڭ ءتورت وبلىسىندا اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - 17 -ءساۋىر كۇنى قازگيدرومەت اۋا رايىنا بايلانىستى قىزىلوردا، اقمولا، قوستاناي جانە باتىس قازاقستان وبلىستارىندا ەسكەرتۋ جاريالادى، دەپ حابارلايدى قازاقپارات.

قىزىلوردا وبلىسىنىڭ كەي جەرلەرىنە تۇمان ءتۇسىپ، كۇندىز نايزاعاي وينايدى. شىعىس، وڭتۇستىك- شىعىستان سوعاتىن جەلدىڭ باعىتى سولتۇستىككە اۋىسىپ، جىلدامدىعى 15-20 م/س- كە جەتەدى.

اقمولا وبلىسىنىڭ كەي جەرلەرىنە تۇمان ءتۇسىپ، كوكتايعاق بولادى. وڭتۇستىك-باتىستان سوققان جەل سولتۇستىك-باتىسقا اۋىسىپ، جىلدامدىعى 15-20، كەي جەرلەردە ەكپىنى 23 م/س- كە جەتۋى مۇمكىن.

سونداي-اق، قوستاناي وبلىسىنىڭ كەي جەرلەرىنە تۇمان ءتۇسىپ، كوكتايعاق بولۋى ىقتيمال. سولتۇستىك- باتىستان جەل سوعىپ، جىلدامدىعى 15-20 م/س بولادى.

باتىس قازاقستان وبلىسىنىڭ كەي جەرلەرىندە سولتۇستىك-شىعىستان سوعاتىن جەلدىڭ ەكپىنى 15-20 م/س دەيىن كۇشەيۋى مۇمكىن.