+7 (701) 759 90 19 Лента
6 °С : استانا
17 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

ەلوردا اكىمدىگى استانا جەر ءۇستى مەتروسىنىڭ قۇرىلىسىن توقتاتۋ سەبەبىن ايتتى

16 ءساۋىر 19:46 539
:ءبولىسۋ
ەلوردا اكىمدىگى استانا جەر ءۇستى مەتروسىنىڭ قۇرىلىسىن توقتاتۋ سەبەبىن ايتتى

نۇر-سۇلتان. قازاقپارات - ەلوردا اكىمدىگى LRT جەلىسىنىڭ قۇرىلىسىن ۋاقىتشا توقتاتۋعا قاتىستى تۇسىنىك بەردى، دەپ حابارلايدى قازاقپارات ءتىلشىسى.

رەسمي مالىمەتكە سايكەس، بۇگىندە LRT كولىك جۇيەسىنىڭ قۇرىلىسى بويىنشا العاشقى كەزەڭنىڭ جۇمىستارى اياقتالدى. قازىرگى كەزدە كەزەكتى قارجىلاي ترانشتى اۋدارۋ بويىنشا كەلىسسوزدەر جۇرگىزىلىپ جاتىر. وسىعان بايلانىستى قۇرىلىس جۇمىستارى ۋاقىتشا توقتاتىلىپ وتىر.

«قازاقستان مەن قىتاي اراسىنداعى كەلىسىمگە سايكەس، اتالعان جوبا قىتايدىڭ مەملەكەتتىك دامۋ بانكى ەسەبىنەن قارجىلاندىرىلادى. بۇگىندە قۇرىلىس جۇمىستارىنىڭ ءبىر بولىگى اياقتالدى. وعان بولىنگەن قارجى دا يگەرىلدى. ەندى، قىتايلىق كونسورتسيۋم مەن قىتايدىڭ مەملەكەتتىك دامۋ بانكى اراسىندا كەزەكتى ترانشتى ءبولۋ بويىنشا كەلىسسسوزدەر جۇرگىزىلىپ جاتىر. وسىعان بايلانىستى جوبانى قارجىلاندىرۋ ۋاقىتشا توقتاتىلىپ وتىر. بۇدان بولەك، اكىمدىك ۇكىمەتپەن بىرلەسە وتىرىپ، ىشكى قارجى كوزدەرى ەسەبىنەن جوبانى ارى قاراي ىسكە اسىرۋ جولدارىن قاراستىرۋدا»، - دەيدى باسپا ءسوز قىزمەتىنىڭ ماماندارى.

ەسكە سالايىق، بۇگىن ۇكىمەت وتىرىسىندا ونلاين رەجىمدە ەسەپ بەرگەن نۇر-سۇلتان قالاسىنىڭ اكىمى باقىت سۇلتانوۆ LRT جەلىسىنىڭ قۇرىلىسى ۋاقىتشا توقتاتىلعانى تۋرالى ايتتى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات