+7 (701) 759 90 19 Лента
2 °С : استانا
19 °С : الماتى
USD 379.36 EUR 428.94
RUB 5.93 CNY 56.70
جاڭالىقتار

ەلورداداعى كوڭىل كوتەرۋ ورىندارىنىڭ جۇمىس ۋاقىتىن شەكتەۋ ۇسىنىلدى

16 ءساۋىر 18:28 149
:ءبولىسۋ
ەلورداداعى كوڭىل كوتەرۋ ورىندارىنىڭ جۇمىس ۋاقىتىن شەكتەۋ ۇسىنىلدى

نۇر-سۇلتان. قازاقپارات - ەلوردا پوليتسياسى قالادا كوڭىل كوتەرۋ ورىندارىنىڭ جۇمىس ۋاقىتىنا شەكتەۋ ەنگىزۋدى ۇسىندى.

مۇنداي ۇسىنىستى بۇگىن نۇر-سۇلتان قالالىق جەرگىلىكتى پوليتسيا قىزمەتى باسقارماسىنىڭ باستىعى تاحير ءابدىراحمانوۆ جاسادى، دەپ حابارلايدى قازاقپارات ءتىلشىسى.

«تۇرعىن ۇيلەردىڭ ءبىرىنشى قاباتىندا ورنالاسقان كوڭىل كوتەرۋ ورىندارىنىڭ ساعات 23:00-گە دەيىن، ال جەكە عيماراتتاعى ورىندار مەن مەيرامحانالاردىڭ تەك تۇنگى 2 گە دەيىن عانا جۇمىس ىستەگەندىگىن قالايمىز. دەنساۋلىق ساقتاۋ ۇيىمدارى دا قۇپتار، ەگەر ادام تۇنگى ساعات 2-گە دەيىن ءىشىپ، ودان كەيىن دە ۋداي ماس بولىپ وتىرا بەرسە ءتۇبى جاقسىلىققا اپارمايدى. نە ءوزى قىلمىس جاسايدى نە كوشەدە قىلمىسقا ۇرىنادى»، - دەدى ول نۇر-سۇلتان قالالىق كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل كەڭەسىنىڭ وتىرىسىندا.

سونىمەن قاتار، باسقارما باسشىسى قالاداعى كوڭىل كوتەرۋ ورىندارىنىڭ كۇزەت قىزمەتىنە قاتىستى دا ويىن ءبىلدىردى.

«ءبىز مەملەكەتتىك ەمەس كۇزەت قۇرىلىمدارمەن ىنتىماقتاستىقتى جولعا قويدىق. ولار بىزگە مەيرامحانالاردىڭ ىشىندە عانا جاردەم كورسەتەدى. الايدا ادەتتە مەيرامحانا باسشىلىعى جانجالداسقانداردى مەيرامحانادان شىعارىپ جىبەرۋگە تىرىسادى. نە بولسا دا وزدەرىندە ەمەس، باسقا جەردە بولسا بولعانى»، - دەدى تاحير ءابدىراحمانوۆ.

بۇعان دەيىن حابارلاعانىمىزداي، ەلوردادا تۇنگى ساعات 1 دەن تاڭعى 6 عا دەيىنگى ارالىقتا «حيتى ⅩⅩ- ۆەكا»، «ىستانبۇل»، «قازاقشا ديسكوتەكا»، «شىمكەنت»، «چارلي چاپلين»، «پۋنكت پ»، «زولوتو»، «EscoBar» سىندى كوڭىل كوتەرۋ ورىندارىندا قىلمىس ءجيى ورىن الادى. سوندىقتان قازىرگى ۋاقىتتا پوليتسيا قىزمەتكەرلەرى بۇزاقىلىق ءجيى بولاتىن كوڭىل كوتەرۋ ورىندارى ماڭىندا كەزەكشىلىك اتقارا باستادى.

 

 


:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات