الماتىدا ەر ادامنىڭ قولىنداعى بەلگىسىز زات جارىلدى

الماتى. قازاقپارات - الماتىدا 33 جاستاعى ەر ادام جارىلعىش زاتتان زارداپ شەكتى، دەپ حابارلايدى قازاقپارات ءتىلشىسى.

الدىن الا بەلگىلى بولعانداي، 33 جاستاعى جىگىت تاڭعى 7:21-دە اۋرۋحاناعا جەتكىزىلدى.

تۇسكەن كەزدە وعان قوسارلانعان جاراقات، باس سۇيەگى مەن ميى شايقالعان دەگەن دياگنوز قويىلدى.

«جارىلىس سالدارىنان ونىڭ وڭ قولى مەن سۇيەكتەرى جاراقاتتانعان. باسى مەن كەۋدەسىن، موينىن 2-3 دارەجەلى كۇيىك شالىپ، 2-دارەجەلى شوك العان. دەنەسىنىڭ 10 پايىزىن كۇيىك شالعان»، - دەدى №4 -قالالىق اۋرۋحانانىڭ جاراقات ءبولىمىنىڭ مەڭگەرۋشىسى داۋرەن ءتۇسىپوۆ.

دارىگەرلەر پاتسيەنتتىڭ قولىنا شۇعىل تۇردە وتا جاسالعاندىعىن جەتكىزدى.

«قازىر پاتسيەنتتىڭ جاعدايى اۋىر. قارقىندى تەراپيا بولىمىندە ەم قابىلداپ جاتىر. شوكقا قارسى تەراپيا جۇرگىزىلۋدە»، - دەدى د. ءتۇسىپوۆ.

پولتسيا وقىس وقيعا تۋرالى كەيىن اقپارات بەرەتىندىگىن حابارلادى.