قازاقستاندىقتار قانداي كولىكتەردى ءجيى ساتىپ الادى

نۇر-سۇلتان. قازاقپارات - قازاقستاندا وتاندىق اۆتوكولىكتەرگە دەگەن سۇرانىس جوعارى دەڭگەيدە ساقتالىپ وتىر.

وسى جىلدىڭ ناۋرىز ايىندا عانا ەلىمىز اۆتووندىرۋشىلەرى 2902 تەحنيكا قۇراستىرىپ شىعارعان، دەپ حابارلايدى قازاقپارات ءتىلشىسى.

وتاندىق اۆتوءوندىرىس بويىنشا 2019 -جىلدىڭ ءۇش ايىنىڭ كورسەتكىشى وتكەن جىلدىڭ سايكەس كەزەڭىنە قاراعاندا ارتىق بولىپ وتىر.

اتاپ ايتقاندا، قازاقستان اۆتوبيزنەس قاۋىمداستىعىنىڭ مالىمەتىنە سايكەس، 2019 -جىلدىڭ قاڭتار- ناۋرىزىندا قازاقستاندا بارلىق تيپتەگى 8822 تەحنيكا شىعارىلعان. ولاردىڭ 8304 ى جەڭىل اۆتوكولىك (%27,9+)، 205 جۇك كولىگى (%15,8+)، 151 تىركەمە مەن جارتىلاي تىركەمە (%60,6+)، 149 اۆتوبۋس (%577,3+) پەن 13 ى ارنايى تەحنيكا (%31,6-).

«الدىن الا دەرەكتەر بويىنشا، قوستانايداعى «سارىارقا اۆتوپروم» كومپانياسى ءبىرىنشى توقساندا 3328 جەڭىل ماشينا، جۇك كولىگىن جانە اۆتوبۋس شىعارعان (%57,9+). وسكەمەندەگى «ازيا اۆتو» كاسىپورنى 5499 جەڭىل اۆتوكولىك (%14,5+) قۇراستىرىپ وتىر. سەمەيدەگى «سەماز» 94 جۇك كولىگىن شىعارسا، كوكشەتاۋلىق «كاماز ينجينيرينگ» 78 جۇك كولىگىن، «Daewoo Bus»  ماركالى 61 اۆتوبۋستى، الماتىداعى «Hyundai Trans Auto» كومپانياسى 37 جەڭىل ماشينا جاسادى»، - دەلىنگەن حابارلامادا.

قازاقستاندىقتار جىل باسىنان بەرى قازاقستاندا وندىرىلگەن 7,5 مىڭ كولىكتى ساتىپ العان. ول جالپى اۆتونارىقتاعى ساۋدانىڭ 55 پايىزدىق بولىگى ەكەنىن اتاپ ءوتۋ كەرەك.

«وتاندىق ماركا بويىنشا وتىمدىلىگى جاعىنان «Hyundaى» ءبىرشاما ءوسىم كورسەتۋدە. جىل باسىنان بەرى اتالمىش ماركاداعى 2322 كولىك ساتىلعان. «Lada» نى - 3354، «Kia» - نى - 845، قوستانايلىق «JAC»-تى 223 ادام مىنگەن. 2019 -جىلدىڭ ءبىرىنشى توقسانىندا جەڭىلدەتىلگەن نەسيەلەۋ باعدارلاماسى اياسىندا قازاقستاندىق وندىرىستەگى جەڭىل اۆتوكولىكتى ساتىپ الۋ بويىنشا 300 نەسيە بەرىلدى»، - دەلىنگەن اقپاراتتا.