+7 (701) 759 90 19
-25 °С : نۇر-سۇلتان
-6 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

پاۆلودارلىق وقۋشىلار وتىرىك ايتۋدان ارىلتاتىن موبيلدىك باعدارلاما جاسادى

16 ءساۋىر 16:46
:ءبولىسۋ
پاۆلودارلىق وقۋشىلار وتىرىك ايتۋدان ارىلتاتىن موبيلدىك باعدارلاما جاسادى

پاۆلودار. قازاقپارات - پاۆلودارلىق وقۋشىلار شىلىم شەگۋ، وتىرىك ايتۋ، قىزعانۋ سىندى جامان ادەتتەردەن ارىلۋعا كومەكتەسەتىن موبيلدىك باعدارلاما ويلاپ تاپتى، دەپ حابارلايدى قازاقپارات pavlodarnews.kz سايتىنا سىلتەمە جاساپ.

باعدارلامانىڭ اۆتورلارى - «ءبىلىم- يننوۆاتسيا» ليتسەي-ينتەرناتىنىڭ وقۋشىلارى شىڭعىس راحاد پەن كەنەسارى رينات ۇلى الماتىدا وتكەن «ىNFOMATRIX- ASIA-2019» حالىقارالىق كومپيۋتەرلىك جوبالار بايقاۋىندا كۇمىس مەدالگە يە بولدى. سونداي-اق ولار سۇلەيمەن دەميرەل ۋنيۆەرسيتەتىنىڭ %100 وقۋ گرانتىنا يە بولدى.

جۇلدەگەرلەردىڭ جەتەكشىسى شىڭعىس بۇرحاننىڭ ايتۋىنشا، 11-سىنىپ وقۋشىلارى ازىرلەگەن «ادەت» باعدارلاماسى جامان ادەتتەردەن ارىلۋعا ارنالعان.

«قازىرگى تاڭدا شىلىم شەگۋ قوعامداعى وزەكتى ماسەلەگە اينالعانى بەلگىلى. سوندىقتان شىڭعىس پەن كەنەسارى «يننوتەك» كومانداسى بولىپ، وسى ءبىر جامان ادەتتەرمەن كۇرەسۋدىڭ جولىن ۇسىندى. بۇدان باسقا، وتىرىك ايتۋ، ۇرىسۋ، اتا-اناسىنا قارسى سويلەۋ، قىزعانۋ سياقتى تەرىس ادەتتەر قامتىلعان. ياعني، ۇيالى تەلەفوندارعا ورناتىلعان باعدارلاما ارقىلى وزدەرىنىڭ مىنەز-قۇلقىن باقىلاپ وتىرۋعا بولادى سونداي-اق، ستاتيستيكالىق مالىمەتتەر كەلتىرىلەدى»، - دەيدى شىڭعىس بۇرحان.

«ەرتىس دارىنى» وڭىرلىك قوسىمشا ءبىلىم بەرۋ وقۋ-ادىستەمەلىك ورتالىعىنىڭ مالىمەتىنە سۇيەنسەك، اتالعان بايقاۋدا ءارتۇرلى مەملەكەتتەن 400 وقۋشى باق سىناعان. جاس زەرتتەۋشىلەر 7 نوميناتسيا بويىنشا ءوز بىلىمدەرىن ساراپقا سالدى: ماتەماتيكالىق جوبالار، روبوت تەحنيكاسى، باعدارلامالاۋ، كومپيۋتەرلىك گرافيكا مەن ونەر، باسقارۋ جۇيەلەرى، قىسقا مەتراجدى فيلمدەر، دروندار جارىسى.

ەسكە سالا كەتەيىك، شىڭعىس راحاد وسىدان ءۇش جىل بۇرىن «سۇلتان سۇلەيمان» مەيرامحاناسىنا قىزمەت كورسەتۋ ساپاسىن جاقسارتىپ، تاپسىرىس بەرۋدى جەڭىلدەتە تۇسەتىن «ە-menu» ەلەكتروندى ءاس ءمازىرىن جاساۋ تۋرالى ۇسىنىس العان بولاتىن. ال بيىل كەنەسارى رينات ۇلىمەن بىرگە اۋرۋدىڭ بەلگىلەرى ارقىلى شالدىققان دەرتىن انىقتاي الاتىن «ەمدەل» اتتى موبيلدىك قوسىمشا جاساپ شىعاردى.


باستى سوزدەر: قوعام, ءبىلىم جانە عىلىم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات