+7 (701) 759 90 19
11 °С : نۇر-سۇلتان
12 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

پسيحولوگيالىق قىسىم دەگەن نە؟

16 ءساۋىر 16:08
:ءبولىسۋ
پسيحولوگيالىق قىسىم دەگەن نە؟

نۇر-سۇلتان. قازاقپارات - پسيحولوگيالىق قىسىم - ءبىر ادامنىڭ ەكىنشى ءبىر ادامنىڭ ەركىن شەكتەپ، تولىعىمەن وزىنە باعىندىرۋعا تىرىسقانى.

بۇل فيزيكالىق قىسىمنان دا جامان. ونداي ادام باسىندا ءوزىنىڭ شىنايى بەينەسىن كورسەتپەيدى. بۇل مىسالى، جىگىتتىڭ ءبىرىنشى كەزدەسۋدە-اق قىزعا قويار تالابىن سانامالاۋدان، ءوزىنىڭ وتباسىنىڭ باسشىسى بولاتىنىن ايتۋدان باستالادى. ونداي جىگىتتەن اۋلاق جۇرگەن دۇرىس.

قىز بالا بولاشاق جارىن تاڭداعاندا ءار كەزدەسۋدە اباي بولعانى ءجون. مىسالى، جىگىت قاتەلىك جاساعان كەزدە، ونى مويىنداي وتىرىپ، قىزعا «مەنىڭ ءىسىمدى تالقىلايتىن ادام سەن ەمەس» دەگەن ماعىنادا ءسوز ايتسا، بۇل جىگىت - بولاشاق باسقىنشى دەپ ءبىلىڭىز.

ول ۇنەمى قىزدىڭ وزىنەن تومەن تۇراتىنىن ايتىپ وتىرادى. قىزدى اقىماق كورىپ، ءوزىن جوعارى ۇستايدى. باسىندا پايدا بولماعان سىيلاستىقتىڭ كەلە-كەلە دۇنيەگە كەلۋى ەكىتالاي. جىل وتكەن سايىن جىگىتتىڭ قىزعا جاسايتىن پسيحولوگيالىق قىسىمى دا وسە بەرەدى. «كۇيەۋىم ەشقايدا شىعارمايدى»، «جىگىتىم جىبەرمەيدى» دەيتىن قىز-كەلىنشەكتەر بۇنىڭ ءمانىسىن سۇيگەنىنىڭ قىزعانشاقتىعىنا تەلىپ جاتادى. ءبىراق بار ماسەلە قىزعانشاقتىقتا عانا ەمەس.

ەگەر جىگىت بۇرىنعى قىزى تۋرالى وتە جامان پىكىردە بولىپ، ونى تۇككە تۇرمايتىن ادام رەتىندە كورسەتسە، ونداي جىگىتتەن قاشىڭىز. كەز كەلگەن جىگىت وزىنە ۇنايتىن قىزعا جۇرەگىن ۇسىنىپ، ونىڭ بەتى بەرى قارامايىنشا قايتپايدى. بۇرىنعى قىزىنا دا كەزىندە جىلى سوزدەر ايتپادى دەيمىسىز؟

«سەن - مەنىڭ ومىرىمدەگى ەڭ ۇلكەن ماحابباتىمسىڭ، سەنىمەن كەزدەسكەنگە دەيىن ماحاببات دەگەن نارسەنى بىلمەپپىن». بۇل سوزگە سەنۋگە بولمايدى. كەز كەلگەن ادام ومىرىندە بىرنەشە رەت عاشىق بولادى. ءسىز دە ول جىگىتتى كەزدەستىرگەنگە دەيىن قانشاما جىگىتپەن جاقسى قارىم- قاتىناستا بولدىڭىز.

ەگەر قىز بالا وسىنىڭ بارىنە قاراماستان، سول جىگىتتى تاڭداپ، ۇيلەنۋ تويىنا دەيىن جەتسە، قىز تولىعىمەن پسيحولوگيالىق قىسىمنىڭ قۇرساۋىندا قالادى. ەركەك ەندى ايەلىنىڭ ارالاساتىن ورتاسىن قىسقارتىپ، ونى تۋعان-تۋىستارىمەن، دوستارىمەن ارالاستىرماۋعا تىرىسادى. ونىڭ ماقساتى نە؟ ول ايەلى ءۇشىن جالعىز بەدەلدى ادام بولعىسى كەلەدى. بۇنداي ەركەكپەن كوپ جىل بىرگە بولعان ايەل ءوز-ءوزىن جاقسى كورۋدەن قالادى.

ونىڭ وزىنە بەرەتىن باعاسى تومەندەپ، كۇيزەلىسكە دە ءجيى تۇسەدى. سوڭىندا ءومىرى تاس-تالقان بولادى. سوندىقتان پسيحولوگيالىق قىسىم كورسەتكەن سىڭارىڭىزبەن اشىق سويلەسكەنىڭىز ءجون. وعان ءسىزدىڭ دە ادام رەتىندە قۇقىعىڭىز، پىكىرىڭىز بار ەكەنىن تۇسىندىرۋگە تىرىسىڭىز. ادەتتە ونداي ەركەكتەر ءومىر بويى ايەلدى تۇككە تۇرمايتىن زات رەتىندە كورەدى. ەرىڭىز وزگەرۋگە ۇمتىلماسا، مۇقيات ويلانىپ، سوڭعى شەشىمگە بەكىگەنىڭىز دۇرىس.

ەگەر ءسىز «وسىنىڭ ميى تىنىش بولسىنشى» دەپ ەركەكتىڭ ايتقانىمەن ءجۇرىپ، ايداعانىنا كونسەڭىز، ونداي ءومىردىڭ نە قىزىعى بار؟ دۇرىس قارىم-قاتىناس پەن باقىتتى وتباسىنىڭ نەگىزگى قاعيداسى - ماحاببات، سىيلاستىق، ەر مەن ايەلدىڭ ءبىر-ءبىرىنىڭ جانىندا ۇرەيلەنبەي ەمىن- ەركىن وتىرۋى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات