استانادا قىتايلىق كومپانيا سالىپ جاتقان ل ر ت-نىڭ قۇرىلىسى ۋاقىتشا توقتاتىلدى - باقىت سۇلتانوۆ
«ءيا، ينۆەستيتسيالاردىڭ كولەمى ەكى ەسەگە تومەندەپ وتىر. بۇنىڭ نەگىزگى سەبەبى - قۇرىلىس سالاسىنداعى كورسەتكىشتەردىڭ تومەندەۋى. قۇرىلىس جۇمىستارى 43 پروتسەنتكە، ال تۇرعىن ۇيلەردى تاپسىرۋ 35 پروتسەنتكە تومەندەپ وتىر. سەبەبى بىلتىر ءىرى جوبالار اياقتالعان بولاتىن. ونىڭ ىشىندە حالىقارالىق قارجى ورتالىعىن ورنالاستىرۋ ءۇشىن ەكسپو پاۆيلوندارىن رەكونسترۋكتسيالاۋعا جۇمسالعان 20 ميلليارد تەڭگە بار. بيىل ونداي ءىرى جوبالار جوق»، - دەدى ب. سۇلتانوۆ ۇكىمەتتىڭ بۇگىنگى وتىرىسىندا. اكىم ونلاين رەجيمدە ەسەپ بەردى.
ونىڭ ايتۋىنشا، سوڭعى ەكى جىلدا ەلوردادا 12 ءىرى نىسان پايدالانۋعا بەرىلسە، بيىل تەك 4 ءىرى جوبا عانا قولعا الىنىپ وتىر.
«ءبىراق ونىڭ ىشىندە استانادا قىتايلىق كومپانيا سالىپ جاتقان ل ر ت جەلىسىنىڭ قۇرىلىسىن توقتاتا تۇرۋعا بايلانىستى ول دا ءوزىنىڭ اسەرىن بەرىپ وتىر. قازىرگى كەزدە ءبىز ۇكىمەت پەن ۇلتتىق بانكپەن بىرگە بۇل ماسەلەنى ىشكى كوزدەردەن قارجىلاندىرۋدى پىسىقتاۋدامىز. سونىمەن قاتار، قالانىڭ ينۆەستيتسيالىق جوبالارىن رەسپۋبليكالىق بيۋدجەتتەن قارجىلاندىرۋ كولەمى 198 ميلليارد تەڭگەدەن 115 ميلليارد تەڭگەگە دەيىن تومەندەۋى دە ءوز اسەرىن بەرىپ وتىر»، - دەپ اتاپ كورسەتتى ب. سۇلتانوۆ.
ايتا كەتەيىك، ۇكىمەتتىڭ بۇگىنگى وتىرىسىندا ق ر پرەمەر-ءمينيسترى اسقار مامين نەگىزگى كاپيتالعا سالىناتىن ينۆەستيتسيالار بويىنشا جۇمىستى كۇشەيتۋدى تاپسىردى. سەبەبى ءبىرقاتار ايماقتاردا اتالعان كورسەتكىشتەر تومەندەپ وتىر. ولاردىڭ ىشىندە اقمولا وبلىسى مەن نۇر- سۇلتان قالاسى بار.
«نەگىزگى كورسەتكىشتەر بويىنشا ءبىرىنشى توقساندا شىعىس قازاقستان، اتىراۋ، قوستاناي، پاۆلودار مەن قىزىلوردا وبلىستارى جاقسى ناتيجەگە جەتتى. سونىمەن قاتار، اقمولا وبلىسىندا جانە ەلوردادا قۇرىلىس پەن ينۆەستيتسيالار بويىنشا كورسەتكىشتەر تومەندەپ كەتكەن. وسى باعىتتاعى جۇمىستاردىڭ ناشار دەڭگەيدە ۇيىمداستىرىلعانىن اتاپ وتەمىن»، - دەدى ا. مامين.
الداعى ۋاقىتتا ۇكىمەت شەتەلدىك ينۆەستيتسيالاردى تارتۋدىڭ جاڭا تاسىلدەرىن تالقىلايدى.
ال «سامۇرىق- قازىنا» قورىنىڭ باسشىسى احمەتجان ەسىموۆ شەتەلدە قوردىڭ اكتيۆتەرىنە توقتام سالۋ ماسەلەسىن كوتەردى.