ەلوردانىڭ قىلمىس ءجيى بولاتىن كوڭىل كوتەرۋ ورىندارى انىقتالدى
بۇل تۋرالى بۇگىن نۇر- سۇلتان قالالىق جەرگىلىكتى پوليتسيا قىزمەتى باسقارماسىنىڭ باستىعى تاحير ءابدىراحمانوۆ ايتتى، دەپ حابارلايدى قازاقپارات ءتىلشىسى.
«اعىمداعى جىلدىڭ باسىنان بەرى نۇر- سۇلتان قالالىق پوليتسيا ورگاندارىنا كوڭىل كوتەرۋ ورىندارىنداعى قىلمىس پەن قوعامدىق ءتارتىپتى بۇزۋشىلىققا قاتىسى ازاماتتاردان 3,5 مىڭنان استام حابارلاما كەلىپ ءتۇستى» ، - دەدى ول نۇر- سۇلتان قالالىق كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس- قيمىل كەڭەسىنىڭ وتىرىسىندا.
جالپى، ونىڭ دەرەگىنشە، 2018 -جىلى قۇقىق قورعاۋ ورگاندارىنا ازاماتتاردان 13,5 مىڭ حابارلاما تۇسكەن.
«ساراپتاما بۇزاقىلىق، جاپپاي توبەلەس، دەنەگە جاراقات سالۋ، ۇرلىق جانە وزگە دە قۇقىق بۇزۋشىلىقتاردىڭ الماتى اۋدانىندا كوپ تىركەلەتىندىگىن كورسەتتى. مۇنداي 784 حابارلاما كەلىپ تۇسكەن ەدى. قۇقىق بۇزۋشىلىق ءجيى ورىن الاتىن كوڭىل كوتەرۋ ورىندارى مىنالار: «رىبا موەي مەچتى» كاراوكە بارىنان - 76, «پاراگون» كافەسىنەن - 60, «گۋدباردان» - 53 حابارلاما» ، - دەدى ول.
باسقارما باسشىسىنىڭ ايتۋىنشا، سارىارقا اۋدانىنان جىل باسىنان بەرى مۇنداي 647 حابارلاما «حيتى ⅩⅩ- ۆەكا» ، «ىستانبۇل» ، «قازاقشا ديسكوتەكا» سىندى كوڭىل كوتەرۋ ورىندارىن تۇسكەن.
«بايقوڭىر اۋدانىندا «شىمكەنت» ، «چارلي چاپلين» مەيرامحانالارىنان 466 حابارلاما الدىق. ەسىل اۋدانىندا «پۋنكت پ» ، «زولوتو» ، «ەscoBar» سىندى كوڭىل كوتەرۋ ورىندارىنان 356 حابارلاما بولدى. سونىمەن قاتار، وسى جىلدىڭ باسىنان بەرى قالانىڭ كوڭىل كوتەرۋ ورىندارىندا قارۋ قولدانۋعا قاتىستى 9 حابارلاما بولدى» ، - دەدى تاحير ءابدىراحمانوۆ.