+7 (701) 759 90 19 Лента
-4 °С : استانا
10 °С : الماتى
USD 379.19 EUR 426.63
RUB 5.92 CNY 56.54
جاڭالىقتار

نۇر- سۇلتان اكىمى قازاقستاندىقتاردى شايبالى حوككەيدەن الەم چەمپيوناتىنا شاقىردى

16 ءساۋىر 14:53 137
:ءبولىسۋ
نۇر- سۇلتان اكىمى قازاقستاندىقتاردى شايبالى حوككەيدەن الەم چەمپيوناتىنا شاقىردى

نۇر-سۇلتان. قازاقپارات - نۇر-سۇلتان قالاسىنىڭ اكىمى باقىت سۇلتانوۆ قازاقستاندىقتاردى ەلوردادا شايبالى حوككەيدەن وتەتىن الەم چەمپيوناتىنا شاقىردى، دەپ حابارلايدى قازاقپارات ءتىلشىسى.

«وسى جىلى نۇر-سۇلتان قالاسى العاش رەت ءبىرىنشى ديۆيزيونداعى ەرلەر كوماندالارى اراسىندا شايبالى حوككەيدەن الەم چەمپيوناتىن قابىلدايدى! بۇل ءبىزدىڭ ابىرويىمىزدى اسقاقتاتاتىن، مەرەيىمىزدى ۇستەم ەتەتىن ۇلكەن سپورتتىق شارا بولماق. 29- ءساۋىر مەن 5- مامىر ارالىعىندا، «بارىس-ارەنا» مۇز سارايىندا ەڭ ۇزدىك حوككەيشىلەردى قابىلدايمىز. بايراقتى جەڭىس ءۇشىن سىزدەردىڭ قولداۋلارىڭىز قاجەت! كەلىڭىزدەر، سپورتشىلارىمىزدى قولداڭىزدار!» - دەپ جازدى قالا باسشىسى فەيسبۋكتەگى پاراقشاسىندا.

ەسكە سالا كەتسەك، شايبالى حوككەي بويىنشا 2019-جىلعى الەم چەمپيوناتىنىڭ ماتچتارىنا ارنالعان بيلەتتەردىڭ ونلاين-ساتىلىمى وتكەن ايدا باستالعان بولاتىن.

شايبالى حوككەي بويىنشا الەم چەمپيوناتى استانادا 2019-جىلدىڭ 29- ءساۋىرى مەن 5- مامىرى ارالىعىندا وتەدى. الەمدىك حوككەي دوداسىندا بەلارۋس، ماجارستان، سلوۆەنيا، وڭتۇستىك كورەيا، ليتۆا جانە قازاقستان قۇرامالارى ءوزارا باق سىناسادى. ويىنداردىڭ قورىتىندىسى بويىنشا ەڭ كوپ ۇپاي جيناعان قوس قۇراما جوعارعى ديۆيزيونعا جولداما الىپ، شۆەيتساريادا 2020-جىلى وتەتىن الەم چەمپيوناتىنا اتتانادى.

ءبىزدىڭ ەل تۇڭعىش رەت حوككەيدەن الەم چەمپيوناتىن وتكىزگەلى وتىر. جارىستى وتكىزۋ قۇقىعىن قازاقستان وتكەن جىلى حالىقارالىق حوككەي فەدەراتسيالارى كونگرەسىندە (IIHF) العان بولاتىن. بارلىق فەدەراتسيالار ءبىراۋىزدان قازاقستاننىڭ ءوتىنىمىن ماقۇلداعان ەدى.


باستى سوزدەر: سپورت,
:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات