+7 (701) 759 90 19 Лента
-1 °С : استانا
15 °С : الماتى
USD 379.29 EUR 426.40
RUB 5.93 CNY 56.58
جاڭالىقتار

ءبىزدىڭ ونىمدەرىمىز باسقا ەلدەردە تانىمال بولۋى ءتيىس - اسقار مامين

16 ءساۋىر 14:32 286
:ءبولىسۋ
ءبىزدىڭ ونىمدەرىمىز باسقا ەلدەردە تانىمال بولۋى ءتيىس - اسقار مامين

نۇر-سۇلتان. قازاقپارات - ق ر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا شيكىزاتتىق ەمەس ەكسپورتتى ىلگەرلەتۋ ماسەلەلەرى جانە ۇلتتىق ەكسپورتتىق ساياساتتى ىسكە اسىرۋ بارىسى قارالدى.

ەكسپورتتىق الەۋەتتى ودان ءارى دامىتۋ ءۇشىن قازاقستاندىق يندۋستريا جانە ەكسپورت ورتالىعى قۇرىلدى، دەپ حابارلايدى قازاقپارات primeminister.kz سىلتەمە جاساپ.

اتقارىلىپ جاتقان جۇمىستار تۋرالى ۇلتتىق ەكونوميكا ءمينيسترى ر. دالەنوۆ، يندۋستريا جانە ينفراقۇرىلىمدىق دامۋ ءمينيسترى ر. سكليار، اۋىل شارۋاشىلىعى ءمينيسترى س. وماروۆ، سونداي-اق «بايتەرەك» ۇ ب ح» ا ق باسقارما ءتوراعاسى ا. ءارىپحانوۆ باياندادى. ءوز كەزەگىندە سىرتقى ىستەر ءمينيسترى ب. اتامقۇلوۆ سىرتقى نارىقتاردا ەكسپورتتىق ءونىمدى ىلگەرىلەرتۋ تۋرالى اقپاراتتاندىردى.

«ەلىمىزدىڭ ەكسپورتتىق الەۋەتىن دامىتۋ - ەكونوميكانىڭ ساپالى ءوسىمىن قامتاماسىز ەتۋدىڭ ستراتەگيالىق ماڭىزدى فاكتورى»، - دەدى ا. مامين.

2018-جىلدىڭ قورىتىندىسى بويىنشا شيكىزاتتىق ەمەس ەكسپورت كولەمى $23 ميلليارد قۇرادى، سونىڭ ىشىندە شيكىزاتتىق ەمەس تاۋارلار ەكسپورتىنىڭ كولەمى - $15,7 ميلليارد جانە كورسەتىلەتىن قىزمەتتەر ەكسپورتى - $7,3 ميلليارد.

ەكسپورتتىق ستراتەگياعا سايكەس، قر ۇكىمەتىنىڭ الدىندا 2022-جىلعا قاراي شيكىزاتتىق ەمەس ەكسپورتتى $32 ميلليارد دەيىن جەتكىزۋ مىندەتى تۇر.

ق ر پرەمەر-ءمينيسترى ە ا ە و اياسىندا سەرىكتەس ەلدەرمەن، قىتايمەن جانە باسقا دا مەملەكەتتەرمەن ساۋدا اينالىمىن ۇلعايتۋدىڭ باستى شارتى وتاندىق تاۋارلار مەن كورسەتىلەتىن قىزمەتتەردىڭ باسەكەگە قابىلەتتىلىگىن ارتتىرۋ ەكەنىن اتاپ ءوتتى. بۇل ءۇشىن ەكسپورتتى مەملەكەتتىك قولداۋ شارالارى قاراستىرىلعان، قازاقستاندىق يندۋستريا جانە ەكسپورت ورتالىعى قۇرىلدى. بيزنەستى مەملەكەتتىك قولداۋدىڭ قارجىلاي قۇرالدارى وندىرىستەن باستاپ ەكسپورتقا دەيىن ءبىر جەردە شوعىرلانادى.

«ترانسشەكارالىق ينفراقۇرىلىمنىڭ ساپاسى مەن قولجەتىمدىلىگىن ارتتىرۋ جۇمىستارىن كۇشەيتۋ قاجەت. بۇل اسا ماڭىزدى، سەبەبى ءبىزدىڭ كورشىلەس ساۋدا سەرىكتەستەرىمىزدىڭ ەكونوميكالارىنىڭ ءوسۋ بولجامدارى تۇراقتى»، - دەدى ق ر پرەمەر-ءمينيسترى.

وتاندىق اۋىل شارۋاشىلىعى ەكسپورتىن ىلگەرىلەتۋگە جەكەلەي كوڭىل ءبولىندى.

«ءبىزدىڭ ونىمدەرىمىز باسقا ەلدەردە تانىمال بولۋى ءتيىس، ءارى ورتاق ەكسپورتتىق برەندتى قۇرۋ ارقىلى ەكسپورتتى دامىتۋ قاجەت»، - دەگەن ۇكىمەت باسشىسى ولاردى سىرتقى نارىقتارعا قارقىندى تۇردە شىعارۋ قاجەت ەكەنىنە نازار اۋداردى.

بۇل ءۇشىن قازاقستاندىق وندىرۋشىلەر وندىرەتىن تاۋارلاردىڭ ساپاسىن جوعارىلاتىپ، ەكسپورتقا شىعارىلاتىن ەلدەردىڭ تالاپتارىنا جانە رەگلامەنتتەرىنە تولىق سايكەستىگىن قامتاماسىز ەتۋى قاجەت.

«زاماناۋي زەرتحانالىق بازا قۇرۋ كەرەك. بۇل بيزنەستىڭ ءوز تاۋارلارى مەن كورسەتىلەتىن قىزمەتتەرىنە ءتيىستى سەرتيفيكاتتار الۋىنا كومەكتەسەدى»، - دەپ قر ۇكىمەتىنىڭ باسشىسى، ەكسپورتقا باعدارلانعان تاۋارلاردى حالىقارالىق ەلەكتروندى ساۋدا الاڭدارى ارقىلى ساتۋ ماسەلەسىن پىسىقتاۋ قاجەت ەكەنىن ايتتى.

 


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات