ازيا چەمپيوناتى: قىتاي قۇراماسى رەسەيدى ويسىراتا ۇتتى

 نۇر-سۇلتان. قازاقپارات - الماتىدا بايراعىن كوتەرگەن ۇلتتىق ات سپورتىنان جاستار اراسىنداعى العاشقى ازيا چەمپيوناتىندا ەكىنشى بولىپ كوكپار الاڭىندا قىتاي قۇراماسى مەن رەسەي قۇراماسى سايىسقا ءتۇستى.

تارتىستى وتكەن دودادا قىتاي قۇراماسى رەسەيدەن باسىم ءتۇستى. ەسەپ - 8:0. تۇڭعىش چەمپيوناتتا كوكپار سپورتى بويىنشا 7 كوماندا باق سىنايدى.

اتاپ ايتقاندا، قازاقستان، قىتاي، رەسەي، وزبەكستان، تاجىكستان، مونعوليا جانە اۋعانستان سپورتشىلارى 1-ازيا چەمپيوناتىنىڭ جۇلدەلەرىن ساراپقا سالادى.

كوماندالار ا جانە ب توبىنا ءبولىندى. جەرەبە بويىنشا ا توبىندا مونعوليا، تاجىكستان، قىتاي، رەسەي كوماندالارى، ال، ب توبىندا قازاقستان، وزبەكستان، اۋعانستان كوماندالارى وينايدى.

تۇڭعىش ۇيىمداستىرىلعان ازيا چەمپيوناتىنىڭ العاشقى باسەكەسى مونعوليا مەن تاجىكستان اراسىندا ءوتىپ، موڭعوليا قۇراماسى 4:2 ەسەبىمەن جەڭىسكە جەتكەن بولاتىن. ءۇشىنشى كەزدەسۋگە قازاقستان مەن وزبەكستان كوماندالارى شىعادى.