زيدان رونالدۋدىڭ ورنىن ەشكىم باسا المايتىنىن مويىندادى

نۇر-سۇلتان. قازاقپارات- سپورت- ەكسپرەسس «رەالدىڭ» باس باپكەرى زينەدين زيدان كوماندانىڭ بۇرىنعى شابۋىلشىسى كريشتيانۋ رونالدۋدى الماستىرۋ مۇمكىن ەمەس ەكەنىن مالىمدەدى.

 ماماننىڭ ءسوزىن AS.com باسىلىمى كەلتىرىپ، «ماسەلە رونالدۋدى الماستىرۋ مۇمكىن ەمەستىگىندە. ول كەتتى جانە ءبىز جاڭا ويىنشىلار الۋىمىزعا بولادى. ءبىراق كەلگەن فۋتبولشىلار كريشتيانۋ جاساعاندى ىستەي الماسىنا سەنىمدىمىن. ءومىر سولاي، ول «رەال» ساپىندا ۇلى دۇنيەلەر جاسادى، ءبارىمىزدىڭ توبەمىز كوككە جەتەتىن ەدى»، - دەيدى زيدان.

سونىمەن بىرگە، بۇل ماۋسىمدا «رەال» بىردە- ءبىر تروفەي ۇتپاعانىن، دەگەنمەن، وينىشىلار چەمپيوناتتى نەعۇرلىم جوعارى ورىندا اياقتاۋعا تىرىساتىنىن ايتا كەتتى. ناقتىراق ايتقاندا، زيدان ەكىنشى ورىندا جايعاسىپ، «رەالدان» بەس ۇپاي الدا كەلە جاتقان «اتلەتيكودان» اسقىسى كەلەدى. رونالدۋ 2018 -جىلدىڭ جازىنان بەرى «يۋۆەنتۋس» ساپىندا وينايدى. يتاليالىق كلۋب چەمپيوندار ليگاسىندا جارىستى جالعاستىرىپ، چەمپيوناتتا كوش باستاپ كەلەدى.

اقپارات كوزى: vesti.kz