قىتايداعى تەڭىز بەتىندە الەمدەگى ەڭ الىپ شۇڭقىر پايدا بولدى

 نۇر-سۇلتان. قازاقپارات - عالىمدار الەمدەگى ەڭ تەرەڭ شۇڭقىر قايدا ورنالاسقانىن انىقتادى.

بەلگىلى بولعانداي، الىپ شۇڭقىر پاراسەل ارالدارىندا پايدا بولىپتى دەپ حابارلايدى Global Times-كە سىلتەمە جاساعان KAZ. NUR. KZ.

Sansha Yongle دەپ اتالاتىن شۇڭقىردىڭ تەرەڭدىگى بۇگىننىڭ وزىندە 300 مەترگە جەتسە، ديامەترى 130 مەتردى قۇراعان ەكەن. اتالمىش شۇڭقىر وڭتۇستىك قىتاي تەڭىزىندە پايدا بولعان كورىنەدى.

«شۇڭقىردىڭ بەرگى بەتىندە 20 دان استام تەڭىز بالىقتارىنىڭ تىرشىلىك ەتەتىنى انىقتالدى. زەرتتەۋ بارىسىندا، شۇڭقىردىڭ قانشا داۋىردەن بەرى بار ەكەنى ايقىندالاتىن بولادى»، - دەيدى عالىمدار.

ايتا كەتەرلىگى، تەڭىز بەتىندەگى مۇنداي شۇڭقىرلار كۇنى بۇگىنگە دەيىن ادامزاتقا قۇپيا قۇبىلىس بولىپ تابىلادى. عالىمدار بۇگىننىڭ وزىندە الەمدەگى مۇنداي «كوك شۇڭقىرلاردىڭ» ءبىرازىن ءالى دە ءجىتى زەرتتەپ كورمەگەن ەكەن.