قاۋىپتىلىگىنە قاراماي ساياحاتشىلاردى وزىنە تارتاتىن قالالار تۋرالى بىلەسىز بە؟

 نۇر-سۇلتان. قازاقپارات - تومەندەگى ءاربىر قالانىڭ وزىندىك ەرەكشەلىكتەرى جەتەرلىك. ول جەرلەردىڭ تابيعاتى، ارحيتەكتۋراسى كورگەن جاننىڭ تاڭدايىن قاقتىرادى.

ءبىراق ساياحاتتاپ بارعان ولكەنىڭ مادەنيەتى جانە داستۇرىمەن تانىسقاندا اباي بولعان ءجون. سەبەبى بۇل شاھارلار تەك ادەمىلىگىمەن عانا ەمەس، سونداي-اق اسا قاۋىپتىلىگىمەن دە تانىمال. وسىنداي الەمدەگى ايرىقشا قالالار تۋرالى fishki.net جازادى.

كالي، كولۋمبيا

كالي - تۇرعىندارى ەسىرتكى ساۋداسىمەن اينالىساتىن قالا. قالانىڭ ساۋلەتى كەز-كەلگەندى ەستەن تاندىرادى. ءبىراق اتالعان ايماققا بارۋ ادام ءومىرى ءۇشىن قاۋىپتى.

كاراچي، پاكىستان

بۇل ساياحاتشىلار ءۇشىن الەمدەگى ەڭ قاۋىپتى قالالاردىڭ ءبىرى. كاراچي پاكىستانداعى ەكىنشى ۇلكەن قالا بولىپ تابىلادى. تۇرعىنداردىڭ سانى جونىنەن الەم بويىنشا العاشقى ۇشتىككە كىرەدى. شاھاردا تەررورلىق شابۋىلدار، قىلمىستىق وقيعالار، ۇرلىق، اسكەري قاقتىعىستار ءجيى ورىن الادى. ستاتيستيكا بويىنشا 100 مىڭ تۇرعىننىڭ ءاربىر 12,3 ءى قازا تابادى.

دەترويت، ا ق ش

دەترويت - ا ق ش- تىڭ ەڭ قاۋىپتى ايماقتارىنىڭ ءبىرى. قالادا 700 مىڭعا جۋىق تۇرعىن ءومىر سۇرەدى. ستاتيستيكاعا سۇيەنسەك، 100 مىڭ ادامنىڭ ءاربىر 45 ءى قايتىس بولادى. قىلمىستىڭ كوپ ورىن الۋى قالا تۇرعىندارىنىڭ جاعدايىنىڭ تومەن بولۋى سالدارىنان توقتاماۋدا.

ريو-دە-جانەيرو، برازيليا

قالا «تۋريستتىك مەككە» دەپ اتالادى. ريو-دە-جانەيرو برازيليانىڭ ەكىنشى ۇلكەن قالاسى بولىپ تابىلادى. قالادا ۇرلىق، زورلىق-زومبىلىق، كوشەنىڭ ورتاسىنداعى كىسى ءولىمى ءجيى ورىن الادى.

كەيپتاۋن، و ا ر

وڭتۇستىك افيريكا رەسپۋبليكاسىندا ورنالاسقان كەيپتاۋن قاۋىپتى قالالاردىڭ قاتارىندا. ستاتيستكاعا سايكەس، 100 مىڭ ادامنىڭ 50,94 قايتىس بولىپ، 8248 قىلمىستىق وقيعا تىركەلەدى. قالادا قاقتىعىستار، ءولىم، زورلىق- ومبىلىق، ۇرلىق بەلەڭ العان. ساياحاتشىلار وسى شاھارعا كەلەتىننىڭ الدىندا سەنىمدى تۋراگەنتتىكپەن شارتقا وتىرعانى دۇرىس.

سانا، يەمەن

ەكونوميكانىڭ تۇراقسىزدىعىنان 2012-جىلدان باستاپ قالادا ءومىر ءسۇرۋ دەڭگەيى تومەندەپ كەتتى. سانادا تەرروريزمگە قارسى ءجيى قاقتىعىستار، اسكەري شابۋىلدار، جارىلىستار ورىن الىپ تۇرادى. سونىڭ سالدارىنان قالادا ۇرلىق پەن كىسى ءولىمى ءجيى تىركەلەدى. تۇرعىندار اۋىز سۋدىڭ جەتىسپەۋىنەن دە زارداپ شەگۋدە.