پاريجدىڭ «قۇداي انا شىركەۋىندەگى» الاپات ءورت ءسوندىرىلدى

نۇر- سۇلتان. قازاقپارات - پاريجدىڭ «قۇداي انا شىركەۋىندەگى» الاپات ءورت ءسوندىرىلدى، دەپ حابارلايدى تاسس اگەنتتىگى Le Figaro باسىلىمىنا سىلتەمە جاساپ.

«ءورت ءسوندىرىلدى. قازىر عيماراتتىڭ قىزىپ تۇرعان قابىرعالارىن سالقىنداتۋعا كۇش سالىپ جاتىرمىز، ءورتتىڭ قايتا تۇتانبايتىنىنا كوز جەتكىزەمىز»، - دەلىنگەن ءورت سوندىرۋشىلەردىڭ حابارلاماسىندا.

ءورت سوندىرۋشىلەرگە سىلتەمە جاساعان Le Parisien گازەتىنىڭ جازۋىنشا، ءورت تەك «ءىشىنارا سوندىرىلگەن».

ەسكە سالا كەتەيىك، نوتر- دام دە پاري سوبورىندا 15 - ءساۋىر كۇنى جەرگىلىكتى ۋاقىتپەن 18:50-دە ءورت شىققان بولاتىن.

 الدىن الا دەرەكتەرگە قاراعاندا، ءورت شىركەۋدىڭ ۇستىڭگى بولىگىندەگى جوندەۋ جۇمىستارى كەزىندە تۇتانعان بولۋى مۇمكىن.

تاريحي نىسان پاريجدىڭ ورتالىعىندا ورنالاسقان فرانسۋز استاناسىنىڭ رامىزدەرىنىڭ ءبىرى. گوتيكالىق سوبور 1163-1345 ج ج. ارالىعىندا سالىنعان.