شاۆكات ميرزيەيەۆتىڭ اككاۋنتى وزبەكستانداعى قازاقستان جىلىنىڭ اشىلۋ سالتاناتىنىڭ ۆيدەوسىن جاريالادى
«Ozbekiston24» وزبەكستانداعى قازاقستاننىڭ اشىلۋى سالتاناتىنان تىكەلەي ترانسلياتسيا جۇرگىزدى.
ەسكە سالا كەتسەك، 2019-جىلدىڭ 14-15- ساۋىرىندە قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ وزبەكستانعا العاشقى مەملەكەتتىك ساپارى ءوتتى. تاشكەنتتە قاسىم-جومارت توقايەۆ وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆپەن كەزدەسۋ وتكىزدى.
كەلىسسوزدەر بارىسىندا پرەزيدەنتتەر ءداستۇرلى دوستىق، ءوزارا سىيلاستىق، سەنىم مەن اشىق رۋحتا ەكى جاقتى قاتىناستاردىڭ نەگىزگى ماسەلەلەرىن، ءوزارا مۇددەلىلىك تانىتىلعان وزەكتى وڭىرلىك جانە حالىقارالىق پروبلەمالاردى تالقىلاپ، ەكى ەل اراسىنداعى كەڭ فورماتتى ىنتىماقتاستىقتى ودان ءارى تەرەڭدەتۋ مەن كەڭەيتۋدىڭ پەرسپەكتيۆالارىن قاراستىردى.
قاسىم-جومارت توقايەۆ كەلىسسوزدەر ءساتتى ءوتتى دەپ باعالادى.
بۇدان باسقا قازاقستان پرەزيدەنتى قاسىم-جومارت توقايەۆ پەن وزبەكستان پرەزيدەنتى شاۆكات ميرزيەيەۆ بىرلەسكەن مالىمدەمە جاسادى.
سونداي-اق وزبەكستانعا مەملەكەتتىك ساپارى بارىسىندا قازاقستان پرەزيدەنتى وزبەك ۇلتىنىڭ بەيبىتشىلىك پەن بوستاندىققا، مەيىرىمدىلىك پەن تاتۋ كورشىلىككە، دوستىق پەن باۋىرلاستىققا ۇمتىلىسىن ايشىقتايتىن تاۋەلسىزدىك جانە گۋمانيزم مونۋمەنتىنە گۇل شوعىن قويدى.
سونداي-اق قاسىم- ومارت توقايەۆ پەن شاۆكات ميرزيەيەۆ جۇرگىزىلگەن كەلىسسوزدەردىڭ قورىتىندىسى بويىنشا ب ا ق وكىلدەرى ءۇشىن بريفينگ وتكىزدى.
بۇدان سوڭ مەملەكەت باسشىلارى وزبەكستانداعى قازاقستان جىلىنىڭ اشىلۋ راسىمىنە قاتىستى.
ونىڭ بارىسىندا قازاقستان ونەرىنىڭ قايراتكەرلەرى مەن ساحنا شەبەرلەرى جانە شىعارماشىلىق ۇجىمدارىنىڭ قاتىسۋىمەن گالا-كونسەرت بولدى.