رەسەي قالالارىندا قازاقستاندىق جوعارى وقۋ ورىندارىنىڭ كورمەسى وتۋدە

نۇر-سۇلتان. قازاقپارات - رەسەي قالالارىندا قازاقستاندىق جوعارى وقۋ ورىندارىنىڭ كورمەسى ءوتىپ جاتىر.

بۇل تۋرالى قازاقپارات حالىقارالىق باعدارلامالار ورتالىعىنىڭ» باسپا ءسوز قىزمەتىنە سىلتەمە جاساپ حابارلايدى.

العاش رەت اعىمداعى جىلدىڭ 15-24 -ءساۋىر ارالىعىندا استراحان (15.04)، ۆولگوگراد (16.04)، ساراتوۆ (17.04)، سامارا (18.04)، ورەنبۋرگ (19.04)، ورسك (20.04)، چەليابينسك (22.04) جانە ومسك (24.04) قالالارىندا «قازاقستاندىق جوعارى وقۋ ورىندارىن تانىستىرۋ» شاراسى وتكىزىپ جاتىر. ءىس- شاراعا ەلىمىزدىڭ 14 ج و و قاتىسۋدا.

«وسى ءىس- شارا رەسەيلىك وقۋ ورىندارىمەن تاجىريبە الماسۋ ءۇشىن بىرەگەي الاڭ بولىپ تابىلادى، سونداي- اق رەسەي جاستارىن قازاقستانداعى وقۋ ورىندارىنىڭ مۇمكىندىكتەرىمەن تانىستىرادى»، - دەدى ورتالىقتىڭ باسپا ءسوز قىزمەتى.

 

ايتا كەتسەك، بۇگىنگى تاڭدا قازاقستاندا 23 مىڭعا جۋىق شەتەلدىك ستۋدەنتتەر ءبىلىم الۋدا. ال، 2021 -جىلى بۇل كورسەتكىش سانىن 50 مىڭعا جەتكىزۋ جوسپارلانۋدا.