+7 (701) 759 90 19 Лента
6 °С : استانا
17 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

ق ر پرەزيدەنت وزبەكستانداعى قازاقستان جىلىنىڭ اشىلۋ راسىمىنە قاتىستى

15 ءساۋىر 21:25 322
:ءبولىسۋ
ق ر پرەزيدەنت وزبەكستانداعى قازاقستان جىلىنىڭ اشىلۋ راسىمىنە قاتىستى

تاشكەنت- نۇر- سۇلتان. قازاقپارات - پرەزيدەنت قاسىم- جومارت توقايەۆ وزبەكستانداعى قازاقستان جىلىنىڭ اشىلۋ راسىمىنە قاتىستى، دەپ حابارلايدى اقوردا.

وزبەكستانداعى قازاقستان جىلىنىڭ اشىلۋ ءراسىمى باستالار الدىندا مەملەكەتتەر باسشىلارى قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ «ۇلى دالانىڭ جەتى قىرى» ماقالاسىنىڭ نەگىزگى مازمۇنىن اشۋعا ارنالعان «ۇلى دالا مۇراسى» اتتى كورمەنى ارالادى.

كورمەگە قازاقستان رەسپۋبليكاسى ۇلتتىق مۋزەيىنىڭ قورىنداعى ەلىمىزدىڭ ەجەلگى ونەر تۋىندىلارى، سونىڭ ىشىندە ەسىك قالاسىنان تابىلعان التىن ادام، بەرەل قورعاندارىنان تابىلعان اتتار مەن ات ابزەلدەرىنىڭ قالپىنا كەلتىرىلگەن نۇسقالارى، «تاقساي حانشايىمى» ، «ازىرەت سۇلتان» مەملەكەتتىك تاريحي- مادەني قورىق- مۋزەيىنىڭ بىرەگەي ەكسپوناتتارى قويىلعان.

 قازاقستان پرەزيدەنتى قاسىم- جومارت توقايەۆ سالتاناتتى راسىمدە سويلەگەن سوزىندە وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆكە جانە وزبەك حالقىنا جىلى قارسى الىپ، قوناقجايلىق كورسەتكەنى ءۇشىن ريزاشىلىعىن ءبىلدىردى.


ق ر پرەزيدەنت وزبەكستانداعى قازاقستان جىلىنىڭ اشىلۋ راسىمىنە قاتىستى

«ءبىزدى ءتىلىمىزدىڭ بىرلىگى، ءدىنىمىز، ورتاق تاريحىمىز بەن ءبىرتۇتاس تاعدىرىمىز بىرىكتىرەدى. حالىقتارىمىز - ورتالىق ازياداعى ەجەلگى ءارى ۇلى وركەنيەتتىڭ مۇراگەرى. ءبىز ءداستۇرىمىزدى، بابالارىمىزدىڭ قۇندىلىقتارى مەن مادەني- تاريحي مۇرالارىن ساقتاپ قالدىق. سونىمەن قاتار، كوپتەگەن قيىن سىناقتاردى باستان وتكەردىك» ، - دەدى مەملەكەت باسشىسى.

قاسىم- جومارت توقايەۆ قازاقستان مەن وزبەكستان اراسىنداعى ستراتەگيالىق ارىپتەستىك پەن جەمىستى ىنتىماقتاستىقتىڭ قازىرگى كەزەڭدەگى جوعارى دەڭگەيگە كوتەرىلگەن تاريحي دوستىقتىڭ قيسىندى جالعاسى ەكەنىن ايتتى.

«شەكارا ماڭىنداعى ىنتىماقتاستىق نىعايىپ، تاۋار اينالىمى ءوسىپ كەلەدى. بۇگىندە قازاقستان- وزبەكستان قارىم- قاتىناستارىندا شەشىلمەگەن ەشقانداي ماسەلە جوق ەكەنىن ناقتى ايتا الامىن. قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ پەن قۇرمەتتى پرەزيدەنت شاۆكات ميرزيەيەۆتىڭ ارقاسىندا قازاق- وزبەك قاتىناستارى جوعارى دەڭگەيگە كوتەرىلدى» ، - دەدى قازاقستان پرەزيدەنتى.

مەملەكەت باسشىسى ۇلى ابايدىڭ قازاقتارعا باۋىرلاس وزبەك حالقىنىڭ ەڭبەكقورلىعىن، قايىرىمدى ىستەرى مەن قاراپايىمدىلىعىن ۇلگى ەتىپ، ۇيرەنۋگە شاقىرعانىن ايتىپ، وزبەكستان باسشىلىعىنا قازاق مادەنيەتىن قولداعانى ءۇشىن ريزاشىلىعىن ءبىلدىردى.

 
ق ر پرەزيدەنت وزبەكستانداعى قازاقستان جىلىنىڭ اشىلۋ راسىمىنە قاتىستى

«پرەزيدەنت شاۆكات ميرزيەيەۆتىڭ «قازاقتىڭ ۇلى اقىنى ءھام ويشىلى اباي قۇنانبايەۆتىڭ شىعارماشىلىق مۇراسىن كەڭىنەن وقۋ مەن ناسيحاتتاۋ تۋرالى» قاۋلىسى اياسىندا اتقارىلعان اۋقىمدى شارالار ءۇشىن ريزاشىلىعىمدى بىلدىرەمىن» ، - دەدى قاسىم- جومارت توقايەۆ.

مەملەكەت باسشىسى قازاقستانداعى وزبەك دياسپوراسىن قولداۋ شارالارىنا جەكە توقتالدى.

«ءبىز ءوز ەلىمىزدە ءومىر ءسۇرىپ جاتقان وزبەك حالقىنىڭ رۋحاني، الەۋمەتتىك قاجەتتىلىكتەرىن تولىق قاناعاتتاندىرۋ ءۇشىن جان- جاقتى شارالار جاساپ جاتىرمىز. قازاقستاننىڭ بارلىق دەرلىك وڭىرىندە وزبەك ەتنومادەني ورتالىقتارى اشىلعان. وزبەك ءتىلى قازاقستاننىڭ مەديا سالاسىندا، ءبىلىم جۇيەسىندە جانە مادەني ومىرىندە ورنىن العان. ەكى وزبەك تەاترى تابىستى جۇمىس ىستەۋدە» ، - دەدى قاسىم- جومارت توقايەۆ.

قاسىم- جومارت توقايەۆ بىرلەسكەن 200 دەن استام شارانى قامتىعان قازاقستانداعى وزبەكستان جىلى ەكىجاقتى بايلانىستىڭ نىعايۋىنا ىقپال ەتكەنىن اتاپ ءوتىپ، شىمكەنتتە وتكەن العاشقى ءوڭىرارالىق فورۋمعا ەرەكشە توقتالدى.


ق ر پرەزيدەنت وزبەكستانداعى قازاقستان جىلىنىڭ اشىلۋ راسىمىنە قاتىستى

«ەكى جاقتى تاۋار اينالىمىن 5 ميلليارد دوللارعا جەتكىزۋ تۋرالى ماقساتىمىزعا بىرتىندەپ جاقىنداپ كەلەمىز. كولىك قاتىناستارىنىڭ قارقىنىن ارتتىرۋ بويىنشا جۇمىستار جۇرگىزىلۋدە. ءبىزدىڭ ەلدەرىمىزدىڭ كولىك- لوگيستيكالىق ينفراقۇرىلىمدارىنىڭ دامۋى ەۋروپا مەن ازيا نارىقتارىنا شىعۋعا مۇمكىندىكتەر اشادى» ، - دەدى قازاقستان پرەزيدەنتى.

مەملەكەت باسشىسى وزبەكستانداعى قازاقستان جىلى ەكى ەل قارىم- قاتىناسى ءۇشىن عانا ەمەس، تۇتاس ورتالىق ازيادا ءوزارا تۇسىنىستىك جانە سەنىم اتموسفەراسىنىڭ قالىپتاسۋى ءۇشىن ماڭىزى بار ايتۋلى وقيعا ەكەنىن اتاپ ءوتتى.

«ورتالىق ازيانىڭ تابىستى ەكونوميكالىق دامۋى، تۇراقتىلىعى مەن قاۋىپسىزدىگى، نەگىزىنەن، قازاقستان مەن وزبەكستاننىڭ تىعىز ىقپالداستىعى مەن كەلىسىلگەن ءىس- ارەكەتتەرىنە بايلانىستى. شۇعىل تۇردە تۇركى دۇنيەسىنىڭ عانا ەمەس، الەمدىك مادەنيەتتىڭ ماقتانىشىنا اينالعان ءبىزدىڭ ەلدەرىمىزدىڭ باستى رۋحاني جانە تاريحي ورتالىقتارىن ءبىر بىرىمەن بايلانىستىراتىن تۇركىستان، سامارقاند، بۇحارانى ءبىر باعىتقا قوساتىن تۋريستىك كلاستەر اشۋدى ۇسىنامىن» ، - دەدى مەملەكەت باسشىسى.


ق ر پرەزيدەنت وزبەكستانداعى قازاقستان جىلىنىڭ اشىلۋ راسىمىنە قاتىستى

قازاقستان پرەزيدەنتى ءسوزىنىڭ سوڭىندا اتا- بابالارىمىز مۇرا ەتىپ قالدىرعان قازاق- وزبەك حالىقتارىنىڭ دوستىعى مەن بىرلىگىن ساقتاۋ قازىرگى ۇرپاقتىڭ ورتاق پارىزى ەكەنىن اتاپ ءوتىپ، وزبەكستانداعى قازاقستان جىلىن اشىق دەپ جاريالادى.

سالتاناتتى ءراسىم الىبەك دىنىشيەۆ، ايمان مۇساحودجايەۆا، مەدەت شوتابايەۆ، نۇرلان بەكمۇحامبەتوۆ، ديماش قۇدايبەرگەنوۆ، ماريا مۋدرياك سىندى قازاقستان ونەرىنىڭ قايراتكەرلەرى مەن ساحنا شەبەرلەرى، شىعارماشىلىق ۇجىمدارىنىڭ قاتىسۋىمەن وتكەن گالا- كونسەرتپەن قورىتىندىلاندى.

وزبەكستاندىق كورەرمەندەر نازارىنا م. تولەبايەۆتىڭ «ءبىرجان- سارا» وپەراسىنان ءۇزىندى، «Astana Ballet» تەاترىنىڭ حورەوگرافيالىق كومپوزيتسياسى، «سالتانات» ق ر مەملەكەتتىك بي ءانسامبلىنىڭ، ك. كۋجامياروۆ اتىنداعى مەملەكەتتىك رەسپۋبليكالىق اكادەميالىق ۇيعىر تەاترىنىڭ جانە مەملەكەتتىك رەسپۋبليكالىق اكادەميالىق كورەي تەاترىنىڭ ورىنداۋىنداعى قويىلىمدار ۇسىنىلدى.



ق ر پرەزيدەنت وزبەكستانداعى قازاقستان جىلىنىڭ اشىلۋ راسىمىنە قاتىستى

ق ر پرەزيدەنت وزبەكستانداعى قازاقستان جىلىنىڭ اشىلۋ راسىمىنە قاتىستى 


:ءبولىسۋ

اأتور:

novasa

ونلاين قىزمەتكەرلەر
مۇراعات