بىردەن ەكى بەلدىك يەلەنگەن جانىبەك ءالىمحان ۇلىنىڭ رەيتينگى جوعارىلادى
بۇل تۋرالى قازاقستان كاسىپقوي بوكسى فەدەراتسياسىنان ءمالىم ەتتى، دەپ حابارلايدى قازاقپارات ءتىلشىسى.
«سوڭعى كەزدەسۋىندەگى جەڭىسىنىڭ ارقاسىندا جانىبەك ءالىمحان ۇلى BoxRec بەدەلدى سايتىندا ءوز ديۆيزيونىندا كورسەتكىشىن جاقسارتتى. ول ەكى پوزيتسياعا كوتەرىلىپ، 52- ورىننان كورىندى» ، - دەلىنگەن فەدەراتسيانىڭ ۆكونتاكتە الەۋمەتتىك جەلىسىندەگى پاراقشاسىندا.
ەسكە سالا كەتسەك، 13 - ساۋىردە قازاقستاندىق بوكسشى جانىبەك ءالىمحان ۇلى (4-0, 1 ك و) العاشقى تيتۋلدىق ايقاسىن وتكىزگەن بولاتىن. ا ق ش- تىڭ لوس- اندجەلەس قالاسىندا بولعان جەكپە- جەكتە ول كريستيان وليۆاسپەن (16-4, 13 ك و) جۇدىرىقتاسىپ، جەڭىسكە جەتتى. قازاقستاندىق بوكسشى ورتا سالماقتاعى WBO Global جانە WBC Continental Americas بەلبەۋلەرىن يەلەندى.
«بۇل تەك مەنىڭ عانا ەمەس، ەلىمنىڭ جەڭىسى. بۇكىل ەلدىڭ بەلبەۋى. جەڭىسپەن قۇتتىقتايمىن! سىزدەردىڭ قولداۋلارىڭىزدى وزگەشە سەزىندىم. پىكىر قالدىرعاندارىڭىز ءۇشىن ۇلكەن راحمەت! بۇل تەك باستاماسى! اللا قالاسا، قازاق ءستيلىن الەمگە تانىتامىز» ، - دەپ جازدى جانىبەك ينستاگرامدا.