تەلەفوندى قانداي جاعدايدا قۋاتتاماۋ كەرەك؟

استانا. قازاقپارات - تەلەفوندى نەمەسە قازىرگى زاماناۋي سمارتفونداردى قۋاتتاۋدىڭ دا وزىندىك ەرەجەلەرى بار. بۇل ەرەجەلەردى ۇنەمى جادىڭىزدا ۇستايتىن بولساڭىز، تەلەفونىڭىز وڭايلىقپەن بۇزىلا قويمايدى.

 ادامدار تەلەفوندارىن قۋاتتاۋ كەزىندە كوبىرەك قاتەلىك جىبەرەدى. مۇنىڭ سوڭى ۇيالى بايلانىستىڭ بۇزىلۋىنا اكەلىپ سوعادى. سوندىقتان دا ساراپشىلار قۋاتتاعان كەزدە ساق بولۋعا شاقىرادى.

1. تەلەفوندى تاڭعا دەيىن قۋاتتاۋعا قويماڭىز. ادەتتە ادامدار وزدەرى ۇيىقتاعاندا، تەلەفوندارىن قۋاتتاۋعا قويادى. تۇرعانشا قۋاتى تولىپ تۇرسىن ويلايتىنى راس. ءبىراق بۇدان كەلەر قاۋىپ- قاتەر كوپ. تەلەفون ارتىق قۋاتتالعاندىقتان قىزىپ كەتۋى مۇمكىن. بۇل باتارەياسىنا ايتارلىقتاي زيان. ءتىپتى قاتتى قىزىپ، جالىن شىعۋى دا مۇمكىن.

 2. كولىكتى وتالدىرعاندا قۋاتتاماۋ كەرەك. جۇرگىزۋشىلەردىڭ كوبى تەلەفوندارىن كولىكتەرىندە- اق قۋاتتايدى. الايدا وتالدىرماي تۇرىپ، گادجەتتى قۋاتتاۋعا قويماۋ كەرەك. سەبەبى موتور وتالعاندا ۇيالى قۇرىلعىڭىزعا ايتارلىقتاي زيان كەلۋى مۇمكىن.

3. قۋاتتاۋ كەزىندە "اۋىر" باعدارلامالاردى پايدالانباڭىز. تەلەفونعا كوپ كۇش تۇسىرەتىن، كوپ قۋاتىن الاتىن باعدارلامالار بولادى. ءبىر نەمەسە بىرنەشە باعدارلامانى قاتار پايدالاناتىنىز دا راس. قۋاتتاۋ كەزىندە قانداي دا ءبىر باعدارلامانى پايدالانباعان ءجون- اق. اسىرەسە ءتۇرلى ويىنداردى قۋاتتاپ بولعاننان كەيىن دە جالعاستىرا بەرۋگە بولادى.

 4. قۋات قۇرىلعىلارىندا اقاۋ جوعىنا ءمان بەرىڭىز. كەيدە تەلەفونىڭىز دۇرىس قۋاتتالماي قالۋى مۇمكىن. وعان سەبەپ - قۋاتتاۋ قۇرىلعىسى بولۋى مۇمكىن. بۇل - قاۋىپتى. سەبەبى قۋاتتاۋ قۇرىلعىسى دۇرىس جاساماعان جاعدايدا تەلەفوندى قىزدىرىپ جىبەرەدى. سونداي- اق قۋاتتاۋ قۇرىلعىسىنىڭ ءوزى دە قىزىپ، جالىنعا سەبەپشى بولۋى دا مۇمكىن. وزگەنىڭ قۋاتتاۋ قۇرىلعىسىن العاندا دا ساق بولىڭىز.

Massaget.kz