+7 (701) 759 90 19
1 °С : نۇر-سۇلتان
7 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

مۇعالىمدەردىڭ زەينەتكە شىعۋىنا قاتىستى قانداي وزگەرىستەر بولادى

15 ءساۋىر 18:30
:ءبولىسۋ
مۇعالىمدەردىڭ زەينەتكە شىعۋىنا قاتىستى قانداي وزگەرىستەر بولادى

نۇر- سۇلتان. قازاقپارات - ق ر ءبىلىم جانە عىلىم ءمينيسترى كۇلاش ءشامشيدينوۆا «پەداگوگتار مارتەبەسى تۋرالى» زاڭ جوباسىن پارلامەنتتىڭ قاراۋىنا ەنگىزۋ مەرزىمىن اتادى، دەپ حابارلايدى قازاقپارات ءتىلشىسى.

«ءبارىڭىز جاقسى بىلەسىزدەر، بۇل زاڭ جوباسى قىزۋ تالقىلانعان بولاتىن. پەداگوگتار دا، دەپۋتاتتار دا تالقىعا سالدى. ءبىراز ەسكەرتۋلەر جاسالدى. سول سەبەپتى زاڭ جوباسى قايتا قارالدى. تامىز ايىندا اتالعان قۇجاتتى پارلامەنت ماجىلىسىنە ەنگىزەتىن بولامىز» ، - دەدى ك. ءشامشيدينوۆا ۇكىمەت ۇيىندە وتكەن باسپا ءسوز ءماسليحاتىندا.

وسى ورايدا مينيستر زاڭ جوباسىندا كورسەتىلگەن ءبىر ماسەلەگە توقتالدى. ول - مۇعالىمدەردىڭ زەينەتكە شىعۋى.

«قازىر ءبىز زەينەتكەرلىك ماسەلەسىن باسقا راكۋرستا كوتەرىپ جاتىرمىز. ماسەلەن، ادام پەداگوگيكالىق جوعارى وقۋ ورنىن ءبىتىرىپ، بىردەن مەكتەپكە جۇمىسقا كەلسە، سول جەردە ءبىراز ۋاقىت جۇمىس ىستەسە، زەينەتكە شىققاندا ونىڭ پەداگوگيكالىق جوعارى وقى ورنىندا ءبىلىم العان مەرزىمىن دە ەڭبەك ءوتىلى رەتىندە ەسەپتەۋ كەرەك. ءبىز وسىنداي ماسەلەنى كوتەرىپ وتىرمىز. سونى ءتيىستى مەملەكەتتىك ورگاندارمەن پىسىقتاۋدامىز» ، - دەپ اتاپ كورسەتتى ك. ءشامشيدينوۆا.

ايتا كەتەيىك، بۇگىنگى بريفينگتە ءبىلىم ءمينيسترى ءبىلىم قىزمەتكەرلەرىنىڭ جالاقىسىن كوتەرۋ شارالارى تۋرالى ايتتى. اتالعان تاپسىرمانى ق ر تۇڭعىش پرەزيدەنتى - ەلباسى نۇرسۇلتان نازاربايەۆ بەرگەن بولاتىن. وعان سايكەس، جالاقىسى تومەن بيۋدجەتتىك سالا قىزمەتكەرلەرىنىڭ جالاقىسى 30 پايىز كوتەرىلۋى كەرەك. بۇگىندە ارنايى تاريفتىك كوەففيتسەنت بەكىتىلدى. كۇلاش ءشامشيدينوۆا جالاقىنىڭ قالاي ارتاتىنىن ناقتى مىسالمەن كورسەتتى. ءبىلىم ءمينيسترى مەكتەپ ديرەكتورلارىن تاعايىنداۋعا قاتىستى ۇسىنىستى دا قولدادى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات