ەلباسى باس پروكۋرور عيزات نۇرداۋلەتوۆتى قابىلدادى
كەزدەسۋ بارىسىندا قازاقستاننىڭ تۇڭعىش پرەزيدەنتىنە ەلىمىزدەگى زاڭدىلىق پەن قۇقىقتىق ءتارتىپتىڭ احۋالى، سونداي- اق ازاماتتاردىڭ الەۋمەتتىك- ەكونوميكالىق سالاداعى قۇقىقتارىن قورعاۋ ءۇشىن اتقارىلىپ جاتقان جۇمىستار تۋرالى مالىمدەلدى.
باس پروكۋرور ەلباسى نۇرسۇلتان نازاربايەۆقا ەلىمىزدىڭ قىلمىستىق زاڭناماسىن ىزگىلەندىرۋ جانە تۇرمەگە قامالعانداردىڭ الەمدىك رەيتينگى بويىنشا قازاقستاننىڭ بەدەلىن ارتتىرۋ ءۇشىن اتقارىلىپ جاتقان جۇمىستاردىڭ ناتيجەلەرى تۋرالى باياندادى.
سونىمەن قاتار، كەزدەسۋدە ەڭبەك داۋلارىن شەشۋگە قاتىستى ازاماتتاردىڭ قۇقىقتارىن قورعاۋ ءۇشىن باس پروكۋراتۋرا مەن ۇكىمەت تاراپىنان اتقارىلىپ جاتقان جۇمىستارعا باسا ءمان بەرىلدى. ع. نۇرداۋلەتوۆتىڭ مالىمەتىنە سايكەس، بىلتىر بىرلەسە كۇش جۇمىلدىرۋدىڭ ارقاسىندا ەڭبەكاقى بويىنشا 2,4 ميلليارد تەڭگە كولەمىندەگى قارىز وتەلدى.
قازاقستاننىڭ تۇڭعىش پرەزيدەنتى شاعىن جانە ورتا بيزنەس سالاسىنداعى تەكسەرىستەردى ازايتۋ ۇدەرىسىنە ءتيىستى باقىلاۋ جاساۋدىڭ ماڭىزدىلىعىن اتاپ ءوتتى.