+7 (701) 759 90 19 Лента
13 °С : استانا
19 °С : الماتى
USD 377.11 EUR 424.21
RUB 5.91 CNY 56.19
جاڭالىقتار

پسيحواناليتيك: قىز بالا اناسىمەن قارىم- قاتىناسىن دۇرىستاعاندا عانا حانزاداسىن جولىقتىرادى

15 ءساۋىر 17:10 146
:ءبولىسۋ
پسيحواناليتيك: قىز بالا اناسىمەن قارىم- قاتىناسىن دۇرىستاعاندا عانا حانزاداسىن جولىقتىرادى

 استانا. قازاقپارات - ورتالىق ازياداعى پسيحواناليز ينستيتۋتىنىڭ ديرەكتورى، قازاقستاندىق پسيحواناليتيك اننا قۇدياروۆا عاشىقتاردى بۇگىنگى مەرەكەسىمەن قۇتتىقتاپ، وتباسىندا باقىت پەن قۋانىش ءسان- سالتانات قۇرۋى ءۇشىن نە ىستەۋ كەرەكتىگىن ايتتى.

 پسيحواناليتيك اننا قۇدياروۆا ءوزىنىڭ بارلىق وتباسىلى كليەنتىنە «سۇيىكتىڭىزگە جاتىن بولمەدە جەل شىعارۋعا رۇقسات بەرەسىز بە؟ » دەگەن سۇراقتى قوياتىنىن ايتادى.

 «بۇل سۇراقتىڭ قۇلاققا وعاش ەستىلەتىنى راس. ارينە، مۇنى سيمۆول، مەتافورا رەتىندە ايتىپ جاتىرمىن. ءبىراق وسى سۇراقتىڭ جاۋابى ەرلى- زايىپتىنىڭ وتباسىلىق ومىرىنەن كوپ اقپارات بەرەدى. جەل شىعارۋ -  ول ادام بالاسىنا تيەسىلى قاجەتتىلىك. ەگەر ەرلى- زايىپتى ءبىر- بىرىنە وسى قاجەتتىلىكتى وتەۋگە رۇقسات بەرسە، وندا ولاردىڭ ءبىر- ءبىرىن بار قالپىندا قابىلداعانى. ولار وسى تۇستا ءبىر- بىرىنە قاجەت دەڭگەيدە ەركىندىك بەرىپ وتىر. ارينە، مۇنى كوشەدە نەمەسە قوناقتا وتىرىپ جاساۋ كەرەك دەپ ايتپايمىن. بۇل تەك بەلگىلى ءبىر ءينتيمدى سيتۋاتسيالارعا قاتىستى»، - دەيدى اننا قۇدياروۆا.

 ءارى قاراي پسيحواناليتيك قازاقستاندا كوپتەگەن قىز- كەلىنشەكتىڭ وتاۋ قۇرعانىنا كوپ ۋاقىت وتكەنىنە قاراماستان، كۇيەۋىنىڭ كوزىنشە شەشىنۋگە قىمسىناتىنىن ايتادى. وسى ورايدا كليەنتىن مىسالعا كەلتىرىپ، وعان جانىنىڭ اشيتىنىن جەتكىزدى.

 "ەرلى- زايىپتى عاشىقتىق سەزىمىنىڭ جەتەگىندە جۇرگەن كەزدە دارەتحانانىڭ ەسىگىن جاپپاۋعا رۇقسات بەرەدى. بۇل دا -  وتباسىلىق باقىتتىڭ كورسەتكىشى. قوعامىمىزدا ايەل ادام جارىقتى سوندىرگەن سوڭ بارىپ شەشىنىپ، كەيىن بىردەن توسەككە كىرە كەتەدى. ءتىپتى، كەيبىر قازاق ايەلدەرى ارادا كوپ جىل وتكەنىنە قاراماستان، كۇيەۋىنىڭ كوزىنشە شەشىنبەيدى. بۇل سيتۋاتسيا سىزگە تانىس پا؟ بىردە الماتىلىق كليەنتىم ءوزىن كۇيەۋىنىڭ ەشۋاقىتتا بوياۋسىز كورمەگەنىن ايتتى. مەنىڭ ول ايەلگە جانىم اشىدى. ول قالاي ءومىر ءسۇرىپ جاتىر دەپ ويلايسىز؟ بەتىندەگى بوياۋىن ءسۇرتۋ ءۇشىن كۇيەۋىنىڭ ۇيىقتاپ قالعانىن كۇتەدى. كەيىن كۇيەۋىنەن ءبىرىنشى ويانۋعا تىرىسادى. مۇنداي ادامدارعا قىزىقپايتىن ەدىم. وسى كىشىگىرىم دەتال ەرلى- زايىپتى قارىم- قاتىناسىنىڭ قانشالىقتى بەرىك ەكەنىن كورسەتەدى. ياعني وسى تۇستا ايەل وزىنە "جەل شىعارۋعا" مۇمكىندىك بەرمەي وتىر"، - دەيدى مامان.

 پسيحواناليتيك وتباسىلىق ماسەلەمەن كەلگەن كليەنتتەرىنە "سۇيىكتىڭىزگە ەركىندىك بەرىڭىز" دەپ ايتاتىنىن جەتكىزدى. سونداي- اق، ءاربىر بويجەتكەنگە تۇرمىسقا شىقپاس بۇرىن "بۇل قادامعا نە ءۇشىن بارا جاتىرمىن؟ " دەگەن سۇراققا جاۋاپ بەرۋگە كەڭەس بەردى. ايتۋىنشا، كوپشىلىك بۇل سۇراققا بىردەن جاۋاپ بەرە المايدى.

 "ءبىزدىڭ قوعامدا ءالى كۇنگە دەيىن "تۇرمىسقا شىعۋ كەرەك" دەگەن ستەرەوتيپ ءجۇر. وسىنىڭ اسەرىنەن كوپتەگەن قازاقستاندىق نەكەلەسۋگە اسىعادى. كەيدە قىزداردىڭ انالارى حابارلاسىپ " قىزىمنىڭ جاسى 30 دان اسىپ بارادى. ءبىراق ءالى كۇنگە دەيىن تۇرمىسقا شىقپادى. تۋىستاردىڭ الدىندا ۇيات بولادى" دەيدى. مەن سول كەزدە "ال قىزىڭىز تۇرمىسقا شىققىسى كەلە مە؟ ءوزى نە دەيدى؟ " دەپ سۇرايمىن. وسى ساۋالىما بىردەن رەنجىپ شىعا كەلەدى. قىزدىڭ ءوزى تۇرمىسقا شىققىسى كەلمەسە، ول ءبارىبىر شىقپايدى"، - دەيدى اننا قۇدياروۆا.

 مۇنىمەن قاتار، قازاقتىڭ "اناسىنا قاراپ قىزىن ال" دەگەن ماقالىنىڭ مانىنە توقتالدى. ايتۋىنشا، اناسى مەن قىزىنىڭ قارىم- قاتىناسى قانداي ەكەنىنە قاراماستان، قىز بالا اناسىنا ۇقسايتىن بولادى. وسىنىڭ اسەرىنەن قىز بالادا كوپتەگەن پروبلەما تۋىنداۋى مۇمكىن. ونىڭ ۇستىنە قىز بالا اناسىن سانالى نەمەسە بەيسانالى جاقسى كورىپ، ونىڭ جانىنداعىداي، ياعني ءوز اكەسىندەي ەر اداممەن جولىققىسى كەلەدى. ەگەر اكەسى ماسكۇنەم بولسا، وندا قىز دا كوپ جاعدايدا ءدال وسىنداي ەر ادامدى ومىرلىك سەرىگى ەتىپ تاڭدايدى.

 "مۇنى قىزدار بەيسانالى دەڭگەيدە جاسايدى. كليەنتتەرىمنىڭ ءبىرى شەنەۋنىكتىڭ جالعىز ۇلىنا تۇرمىسقا شىقتى. ودا قالاعانىنىڭ ءبارى بولدى. كۇيەۋى دە وعان جاقسى قارادى. الايدا اقىرىندا ءبارىبىر اجىراسىپ تىندى. كەيىن اراعا ءبىراز ۋاقىت سالىپ تاكسي جۇرگىزۋشىسىنە تۇرمىسقا شىعىپ، ودان بالا تۋدى. نەگە بۇلاي بولدى؟ سەبەبى ونىڭ اكەسى دە جۇرگىزۋشى بولىپ، اراسىندا ىشىمدىك ءىشىپ، بەنزين ساسىپ جۇرەتىن. ياعني مۇندا ايەل بەيسانالى دەڭگەيدە اكەسى سياقتى ادامدى ىزدەپ وتىر"، - دەيدى مامان.

اننا قۇدياروۆا وسىنداي جاعداي قايتالانباس ءۇشىن ءاربىر ايەلگە "مەن نە ءۇشىن تۇرمىسقا شىعامىن؟ ءدال قازىر سۇيىكتىم مەنىڭ جانىمدا ءوزىن قالاي سەزىنەدى؟ ول ماعان ءوزىنىڭ كەرەك ادام ەكەنىن بىلە مە؟ الدە ءوزىن ۇنەمى بىرنارسەنى ءبۇلدىرىپ جۇرەتىن ادامداي سەزىنە مە؟ " دەگەن سۇراققا جاۋاپ بەرۋگە كەڭەس بەردى.

 مۇنىمەن قاتار، ايەل قاۋىمىنا قانشا رەنجىسە دە، سۇيىكتىسىمەن ءبىر توسەكتە جاتۋدىڭ پايداسى مول ەكەنىن ايتتى. ەر ادامنىڭ اعزاسى جىنىستىق قاتىناستى تالاپ ەتەتىن گورمون بولەتىندىكتەن، ول ۇزاق ۋاقىتقا شىداماۋى مۇمكىن.

 "قىز بالانىڭ اناسىمەن قارىم- قاتىناسى جامان بولسا، ونىڭ جىگىتتەرمەن جولى بولمايدى. ال قالاي ەكەۋىنىڭ قارىم- قاتىناسى دۇرىستالادى، سولاي سەرىگى پايدا بولادى. وسى ورايدا، بۇگىنگى قوزى كورپەش -  بايان سۇلۋ مەرەكەسىمەن قۇتتىقتاي وتىرىپ، ءاربىر وتباسىعا باقىت تىلەيمىن. ءبىر- بىرلەرىڭىزدىڭ دامىپ، وركەندەۋلەرىڭىزگە اتسالىسىڭىزدار"، - دەپ تىلەك ءبىلدىردى مامان.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات