الەمدەگى ەڭ قاۋىپتى قۇس ءوزىنىڭ قوجايىنىن ءولتىردى

 نۇر-سۇلتان. قازاقپارات - امەريكاداعى كازۋار اتتى قۇس ءوزىنىڭ قوجايىنىن ءولتىردى.

وقيعا فلوريدا شتاتىندا ورىن العان.

قۇس ءوزىنىڭ تورىنا كىرگەن فەرمەرگە شابۋىل جاساعان. 75 جاستاعى فەرمەر ابايسىزدا جەرگە قۇلاپ تۇسكەن. سول كەزدە قۇس وعان تىرناقتارىمەن تاپ بەرگەن. فەرمەر العان جاراقاتىنان قازا تاپقان. قۇس قازىر مامانداردىڭ باقىلاۋىندا.

كازۋارلار - گيننەس رەكوردتار كىتابىنىڭ نۇسقاسى بويىنشا الەمدەگى ەڭ قاۋىپتى قۇس. بۇل قۇستاردىڭ ەرەسەك تۇرلەرى ەكى مەترگە دەيىن جەتەدى. سالماقتارى 60 كەلىگە جەتەدى. ولار ۇشپايدى، ءبىراق جىلدامدىقتارىن ساعاتىنا 50 كيلومەترگە دەيىن ارتتىرا الادى. ولاردىڭ تىرناقتارى 10 سانتيمەترگە دەيىن وسەدى. سوندىقتان دا ولاردىڭ سوققىلارى ولىمگە اكەلىپ سوعۋى مۇمكىن.

 

 دەرەككوز: The Gainesville Sun