+7 (701) 759 90 19 Лента
6 °С : استانا
17 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

ارقالىققا مازۋت تاسىمالداۋ توقتاتىلادى

15 ءساۋىر 16:52 213
:ءبولىسۋ
ارقالىققا مازۋت تاسىمالداۋ توقتاتىلادى

قوستاناي. قازاقپارات - 2020 -جىلدان باستاپ ارقالىقتىڭ جىلۋ- ەنەرگەتيكالىق ورتالىعى كومىر تاسىمالداي باستايدى.

بۇل تۋرالى وبلىس اكىمىنىڭ قاتىسۋىمەن وتكەن اپپارات ماجىلىسىندە بەلگىلى بولدى، دەپ حابارلايدى قازاقپارات.

ارقالىق قالاسىن جىلۋمەن قامتاماسىز ەتۋ ەل قازىناسىنا قىمباتقا تۇسەدى. سەبەبى، مازۋتتىڭ باعاسى جىل سايىن ءوسىپ كەلەدى. شاعىن قالانىڭ جىلدىق وتىن قورىن جاساۋ ءۇشىن رەسپۋبليكالىق بيۋدجەتتەن 1 ميلليارد تەنگەدەن استام قوسىمشا قارجى بولىنەدى. جەرگىلىكتى جىلۋ ورتالىعىن كومىرگە اۋىستىرۋ ماسەلەسى 2020 -جىلى شەشىمىن تابۋى ءتيىس.

ارقالىق قالاسىنىڭ اكىمى ەلدار كۇزەنبايەۆتىڭ سوزىنشە، بىلتىرعى جىلىتۋ ماۋسىمىندا 20316 توننا مازۋت جاعىلعان. قازىر ونىڭ 1800 تونناسى ارتىق قالدى.

«2018 -جىلمەن سالىستىرعاندا 4 مىڭ توننا مازۋت ۇنەمدەدىك. ەسەسىنە 1200 توننا كومىر ساتىپ الىندى. ونىڭ ىشىندە اشۋتاستى، مولودەجنىي، شۇباركول قازاندىقتارىنا 960 توننا كومىر جەتكىزىلدى. كومىردىڭ ورتاشا باعاسى تونناسىنا 17021 تەڭگەگە ەسەپتەلدى. بىلتىر ارقالىق قالاسىنداعى قۋاتى 2,5 م ۆ ت تۋربواگرەگاتتى اۋىستىرۋ جۇمىستارى باستالدى. «ارقالىق جەو قايتا جاڭارتۋ» جوباسى شەڭبەرىندە «GOLD EURASIA CORPORATION» ج ش س- مەن 554 ميلليون 384 مىڭ تەڭگە سوماسىنا شارت جاسالدى» ، - دەدى ە. كۇزەنبايەۆ.

وبلىس اكىمى ارحيمەد مۇحامبەتوۆ ايتقانداي، قالانى مازۋتپەن قامتۋعا سوڭعى جىلى 2,5 ميلليارد تەڭگە جۇمسالعان. سۇيىق وتىننىڭ تونناسى 50 دەن 90 مىڭ تەڭگەگە دەيىن وسكەن.

«مۇنداي قارجىنىڭ جۇمسالۋى بيۋدجەتكە اۋىر سوققى. مازۋتتىڭ تونناسى 120 مىڭ تەڭگەگە دەيىن ءوسىپ كەتۋى مۇمكىن. سوندىقتان 2020 -جىلى مازۋت تاسىمالداۋدى توقتاتامىز. ارقالىقتى كومىرمەن جىلىتۋدى باستايمىز. جوبا قۇنى 7 ميلليارد 600 ميلليون تەڭگە بولعالى وتىر. ءارى قاراي وسى جوبانىڭ «جول كارتاسىن» قۇرىپ، تاڭدالعان مەردىگەرلەرمەن جۇمىس ىستەيمىز» ، - دەپ تاپسىردى وبلىس اكىمى.

بۇعان دەيىن حابارلاعانىمىزداي، قوستاناي وبلىسىندا 1442 شاقىرىم ەلەكتر جەلىسىن جوندەۋ جوسپارلانعان.


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
مۇراعات