+7 (701) 759 90 19 Лента
-1 °С : استانا
15 °С : الماتى
USD 379.29 EUR 426.40
RUB 5.93 CNY 56.58
جاڭالىقتار

مۇعالىمدەر مەن مەملەكەتتىك قىزمەتشىلەر سايلاۋعا كەلۋگە ماجبۇرلەنبەيدى

15 ءساۋىر 15:56 158
:ءبولىسۋ
مۇعالىمدەر مەن مەملەكەتتىك قىزمەتشىلەر سايلاۋعا كەلۋگە ماجبۇرلەنبەيدى

 نۇر- سۇلتان. قازاقپارات - نۇر- سۇلتان قالاسى اكىمى اپپاراتى باسشىسىنىڭ ورىنباسارى ازامات احمەدجانوۆ 9 ماۋسىمدا وتەتىن كەزەكتەن تىس پرەزيدەنت سايلاۋىندا بەلگىلى ءبىر كانديداتقا داۋىس بەرۋگە قاتىستى ماجبۇرلەۋ بولمايتىنىن ايتتى، دەپ حابارلايدى قازاقپارات ءتىلشىسى.

كەزەكتەن تىس پرەزيدەنت سايلاۋى تۋرالى ەلوردا اكىمدىگىندە وتكەن باسپا ءسوز ءماسليحاتىندا تىلشىلەر مۇعالىمدەر مەن مەملەكەتتىك قىزمەتشىلەردى سايلاۋعا كەلۋگە ماجبۇرلەۋ بولا ما دەگەن سۇراق قويعان ەدى. تىلشىلەر سايلاۋ ۋچاسكەسىندە ءتىپتى سەلفي جاساۋ مىندەتتەلگەنى جايلى بۇرىن اقپارات تاراعانىن ايتىپ ساۋال تاستاعان ەدى.

«ءبىز ەشكىمدى ماجبۇرلەگەلى وتىرعان جوقپىز. الايدا داۋىس بەرۋ ءۇشىن سايلاۋ ۋچاسكەسىنە كەلۋگە شاقىرامىز. البەتتە، «بارىڭىزدار، داۋىس بەرىڭىزدەر» دەپ ايتامىز، ءبىراق سەلفي جاساتۋ دەگەن سەكىلدى، ارينە، جاعدايلار بولمايدى» ، - دەيدى ازامات احمەدجانوۆ.

ونىڭ ايتۋىنشا، ماجبۇرلەۋ جاعدايلارى كەزدەسىپ جاتاتىن بولسا، ەلوردالىقتار Ikomek قىزمەتىنە شاعىم تۇسىرە الادى.

« Ikomekتەن كەلگەن اقپارات اكىمدىك اپپاراتىنا تۇسەدى. البەتتە، بارلىعىن سايلاۋعا شاقىرامىز، ءبىراق ماجبۇرلەمەيمىز» ، - دەيدى ول.

ەسكە سالا كەتسەك، بۇعان دەيىن حابارلاعانىمىزداي، قازاقستاندا 9 - ماۋسىم كۇنى وتەتىن كەزەكتەن تىس پرەزيدەنت سايلاۋىندا ەلوردالىقتار 304 سايلاۋ ۋچاسكەسىندە داۋىس بەرە الادى.

باسپاءسوز ءماسليحاتى بارىسىندا نۇر- سۇلتان قالاسى اكىمى اپپاراتى باسشىسىنىڭ ورىنباسارى ازامات احمەدجانوۆ سونداي- اق، ەلوردادا تىركەلمەي جۇمىس ىستەپ جۇرگەن ازاماتتار قالاي داۋىس بەرە الاتىنىن تۇسىندىرگەن بولاتىن.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات