+7 (701) 759 90 19 Лента
13 °С : استانا
19 °С : الماتى
USD 377.11 EUR 424.21
RUB 5.91 CNY 56.19
جاڭالىقتار

قاسىم- جومارت توقايەۆ شاۆكات ميرزييەۆپەن شاعىن قۇرامدا كەلىسسوز وتكىزدى

15 ءساۋىر 14:47 226
:ءبولىسۋ
قاسىم- جومارت توقايەۆ شاۆكات ميرزييەۆپەن شاعىن قۇرامدا كەلىسسوز وتكىزدى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ وزبەكستان پرەزيدەنتى شاۆكات ميرزييەۆپەن شاعىن قۇرامدا كەلىسسوز وتكىزدى، دەپ حابارلايدى اقوردانىڭ باسپا ءسوز قىزمەتى.

رەسمي قارسى الۋ راسىمىنەن كەيىن مەملەكەتتەر باسشىلارى شاعىن قۇرامدا كەلىسسوزدەر جۇرگىزدى. مەملەكەت باسشىسى جىلى قارسى الىپ، قوناقجايلىق كورسەتكەنى ءۇشىن شاۆكات ميرزييەۆكە ريزاشىلىق ءبىلدىرىپ، وسى مەملەكەتتىك ساپاردىڭ ماڭىزدىلىعىن اتاپ ءوتتى.


قاسىم- جومارت توقايەۆ شاۆكات ميرزييەۆپەن شاعىن قۇرامدا كەلىسسوز وتكىزدى

- تۇڭعىش پرەزيدەنتىمىز - ەلباسى نۇرسۇلتان ءابىش ۇلى نازاربايەۆ مىقتى ءارى ۇيلەسىمدى ەكىجاقتى قاتىناستاردى قالىپتاستىرۋعا زور ۇلەس قوستى. سىزدەر دە ەكى مەملەكەتتىڭ كوشباسشىلارى رەتىندە قازاقستان مەن وزبەكستان ارىسىنداعى ىنتىماقتاستىقتى بيىك دەڭگەيگە كوتەردىڭىزدەر، - دەدى قاسىم- جومارت توقايەۆ.

مەملەكەت باسشىسى ەكىجاقتى ىنتىماقتاستىقتىڭ ساپاسى مەن ىقپالداستىقتىڭ مازمۇنىنا جوعارى باعا بەردى، سونداي- اق، كەلىسسوزدەردىڭ كۇن تارتىبىندە تۇرعان بارلىق ماسەلە بويىنشا جەمىستى پىكىر الماساتىنىن ايتتى.


قاسىم- جومارت توقايەۆ شاۆكات ميرزييەۆپەن شاعىن قۇرامدا كەلىسسوز وتكىزدى

- مەنىڭ مىندەتىم بايلانىستارىمىزدىڭ ساباقتاستىعى مەن جوعارى قارقىنىن ساقتاۋ دەپ ويلايمىن. مەن دە ءوز تاراپىمنان قازاق- وزبەك ىنتىماقتاستىعىنىڭ ەش كەدەرگىسىز وركەندەپ، دامۋىنا بارلىق مۇمكىندىكتى جاسايمىن. كەشە ساياسي، تاريحي، مادەني، گۋمانيتارلىق سياقتى ءبىرقاتار ماسەلەگە قاتىستى الدىن الا پىكىر الماستىق جانە تاريحي تۇرعىدان حالىقتارىمىزعا ورتاق كوپ دۇنيە بار دەگەن تۇسىنىككە كەلدىك. ءبىزدى ورتاق تاريحي تاعدىرىمىز، تۋىستاس ءتىلىمىز، ءدىنىمىز بەن مادەني قۇندىلىقتارىمىز بىرىكتىرەدى، - دەدى قازاقستان پرەزيدەنتى.

سونىمەن قاتار، قاسىم- جومارت توقايەۆ شاۆكات ميرزييەۆكە وزبەكستانداعى قازاقستان جىلىن وتكىزۋگە مۇمكىندىك تۋعىزعانى ءۇشىن العىس ايتىپ، بۇل شارانىڭ ەكى مەملەكەت حالقىن جاقىنداستىرۋ تۇرعىسىنان العاندا اسا ماڭىزدى ەكەنىن اتاپ ءوتتى.

شاۆكات ميرزييەۆ قاسىم- جومارت توقايەۆتى قازاقستان پرەزيدەنتى قىزمەتىنە كىرىسۋىمەن قۇتتىقتاپ، وزبەكستان رەسپۋبليكاسىنا مەملەكەتتىك ساپارمەن كەلگەنى ءۇشىن ريزاشىلىق ءبىلدىردى.

- قازاقستاننىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ ءرولىن ەرەكشە اتاپ وتكىم كەلەدى. سول كىسىنىڭ ارقاسىندا ءوزارا قارىم- قاتىناستارىمىزدىڭ جوعارى دەڭگەيگە كوتەرىلۋىنە قول جەتكىزدىك. ءسىز دە مينيستر، پرەمەر- مينيستر، سەنات ءتوراعاسى قىزمەتتەرىن اتقارعان كەزىڭىزدە ەكى ەل بايلانىستارىن جاقسارتۋعا سەپتىگىڭىزدى تيگىزدىڭىز، - دەدى شاۆكات ميرزييەۆ.

سونىمەن قاتار، وزبەكستان رەسپۋبليكاسىنىڭ باسشىسى قازاقستاندىق تاراپقا ەكىجاقتى بايلانىستاردىڭ نىعايۋىنا تىڭ سەرپىن بەرگەن قازاقستانداعى وزبەكستان جىلىن تابىستى وتكىزگەنى ءۇشىن ريزاشىلىق ءبىلدىرىپ، اتاپ ءوتتى.

جوعارى دارەجەدە وتكەن كەلىسسوزدەر بارىسىندا مەملەكەتتەر باسشىلارى وڭىرلىك جانە حالىقارالىق كۇن تارتىبىندەگى ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى.


باستى سوزدەر: سئرتقئ ساياسات,
:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات