ءبىلىم ءمينيسترى سىنىپ جەتەكشىلەرى مەن پسيحولوگتاردى قايتا دايارلاۋدىڭ سەبەبىن ءتۇسىندىردى

None
None
نۇر- سۇلتان. قازاقپارات - ق ر ءبىلىم جانە عىلىم ءمينيسترى كۇلاش ءشامشيدينوۆا قايتا دايارلاۋ كۋرستارىنىڭ پايداسى تۋرالى ايتتى، دەپ حابارلايدى قازاقپارات ءتىلشىسى.

«ءبارىمىز جاقسى بىلەمىز، جالپى مەكتەپتەگى ءبىلىمنىڭ ساپاسى مۇعالىمگە بايلانىستى. سول سەبەپتى ەڭ ءبىرىنشى مۇعالىمدەردىڭ كاسىپتىك دەڭگەيىن كوتەرۋگە باعىتتالعان جۇمىستار جۇرگىزىلەتىن بولادى. الداعى ءۇش جىلدىڭ ىشىندە 144 مىڭ مۇعالىم قايتا دايارلاۋ كۋرستارىنان وتەدى. 82 مىڭ سىنىپ جەتەكشىلەرى مەن پسيحولگتار دا وتەتىن بولادى. بۇگىندە ۇستازعا دا، اتا- اناعا دا، بالاعا دا پسيحولوگتىڭ كومەگى وتە قاجەت. سوندىقتان بيىلدان باستاپ ءبىز پسيحولوگتار مەن كلاس جەتەكشىلەرىن قايتا دايارلاۋ كۋرستارىنان وتكىزەمىز. سەبەبى مەكتەپ پەن اتا- انانىڭ اراسىنداعى ەڭ ءبىرىنشى دانەكەر، ەڭ ءبىرىنشى بايلانىستىرۋشى ول - كلاس جەتەكشىسى»، - دەدى ك. ءشامشيدينوۆا ۇكىمەت ۇيىندە وتكەن باسپا ءسوز ءماسليحاتىندا.

ءمينيستردىڭ ايتۋىنشا، قايتا دايارلاۋ كۋرستارىنان كوللەدج قىزمەتكەرلەرى دە وتەدى. ولاردىڭ سانى 15 مىڭنان اسادى. بۇدان بولەك، جوعارى وقۋ ورىندارىنىڭ 2,5 مىڭ وقىتۋشىسى كاسىبي بىلىكتىلىگىن كوتەرەتىن بولادى.

 «جالپى، ءبىز ۇستازدارعا ادىستەمەلىك كومەك تە كورسەتۋىمىز كەرەك. وسىعان بايلانىستى ادىستەمەلىك كەشەن - www.smk.edu.kz جۇمىس ىستەپ تۇر. وندا 100 مىڭنان استام ماتەريال بار. جاڭا وقۋ جىلىنىڭ قارساڭىندا قازاق پەن ورىس تىلىنە قوسىمشا اعىلشىن تىلىندەگى ءبولىمى دە اشىلاتىن بولادى»، - دەپ اتاپ كورسەتتى ك. ءشامشيدينوۆا.

ايتا كەتەيىك، بۇگىنگى بريفينگتە مينيستر ءبىلىم قىزمەتكەرلەرىنىڭ جالاقىسىن كوتەرۋ شارالارى تۋرالى ايتتى. اتالعان تاپسىرمانى ق ر تۇڭعىش پرەزيدەنتى - ەلباسى نۇرسۇلتان نازاربايەۆ بەرگەن بولاتىن. وعان سايكەس، جالاقىسى تومەن بيۋدجەتتىك سالا قىزمەتكەرلەرىنىڭ جالاقىسى 30 كوتەرىلۋى كەرەك. بۇگىندە ارنايى تاريفتىك كوەففيتسەنت بەكىتىلدى.

 بۇدان بولەك، كۇلاش ءشامشيدينوۆا جالاقىنىڭ قالاي ارتاتىنىن ناقتى مىسالمەن كورسەتتى.

اۆتور: ارمان اسقاروۆ

سوڭعى جاڭالىقتار