اقمولا وبلىسىندا قار جاۋدى

نۇر-سۇلتان. قازاقپارات - ستەپنوگورسك قالاسىنىڭ تۇرعىندارى قاردىڭ جاۋعانىن حابارلاپ، الەۋمەتتىك جەلىلەر ارقىلى فوتولارمەن ءبولىسىپ جاتىر، دەپ حابارلايدى قازاقپارات ءتىلشىسى.

«تاڭەرتەڭ تۇرساق، دالادا قار جاتىر. قالىڭدىعى 4-5 سانتيمەتردەي بار»، - دەيدى التىنبەك ەسىمدى قالا تۇرعىنى.

«قار تۇندە جاۋعان سياقتى. ويتكەنى كەيبىر جەرلەردە قار كادىمگىدەي كۇرتىك بولىپ جاتىر»، - دەيدى زاۆودسكوي كەنتىنىڭ تۇرعىنى جانار اسقاروۆا.

سونداي-اق، كوكشەتاۋ تۇرعىندارى دا الەۋمەتتىك جەلىدە قالانى باسىپ قالعان قالىڭ قاردىڭ سۋرەتتەرىمەن ءبولىسىپ جاتىر.

ايتا كەتەيىك، قازگيدرومەت 15- ساۋىردە قازاقستان اۋماعىندا اۋا رايى قۇبىلمالى بولاتىنىن حابارلاعان بولاتىن.

«15- ساۋىردە قازاقستاندا اتموسفەرالىق اعىنداردىڭ وتۋىنە بايلانىستى كەي جەرلەردە جاۋىن-شاشىن تۇسەدى، سولتۇستىك جانە سولتۇستىك-باتىستىڭ كەي جەرلەرىندە قاتتى نوسەر جاۋادى، تەك وڭتۇستىك-شىعىس جانە وڭتۇستىك-باتىستا كۇن رايى اشىق بولادى. كەي جەرلەردە تۇمان، نايزاعاي، كوكتايعاق بولادى، جەلدىڭ كۇشەيۋى، بۇرشاق جاۋۋى ىقتيمال، وڭتۇستىكتە شاڭدى داۋىل كۇتىلەدى»، - دەلىنگەن رەسمي حابارلامادا.



سولتۇستىك قازاقستان وبلىسىنىڭ كەي جەرلەرىندە تۇمان، كوكتايعاق، نايزاعاي، بۇرشاق كۇتىلەدى، جەل 15-20، كەي جەرلەردە 23-28 م/س كۇشەيەدى. پاۆلودار، اقمولا، اقتوبە وبلىستارىنىڭ كەي جەرلەرىندە تۇمان، كوكتايعاق، نايزاعاي، بۇرشاق كۇتىلەدى، جەل 15-20، كەي جەرلەردە 23-28 م/س كۇشەيەدى.

قوستاناي وبلىسىنىڭ كەي جەرلەرىندە تۇمان، نايزاعاي، جەل 15-20، كەي جەرلەردە 23-28 م/س كۇشەيەدى. قىزىلوردا وبلىسىندا تۇمان، نايزاعاي كۇتىلەدى، تاڭەرتەڭ جانە كۇندىز شاڭدى داۋىلمەن جىلدامدىعى سەكۋندىنا 15-20 مەتر جەل سوعۋى ىقتيمال.

قاراعاندى، شىعىس قازاقستان وبلىستارىنىڭ كۇندىز كەي جەرلەرىندە جەل 15-20 م/س كۇشەيەدى. تۇركىستان وبلىسىندا نايزاعاي، مۇمكىن بۇرشاق كۇتىلەدى، تاڭەرتەڭ جانە كۇندىز جەل 15-20 م/س كۇشەيەدى. الماتى وبلىسىنىڭ كۇندىز جالاڭاشقال اۋدانىندا جەل 15-20 م/س كۇتىلەدى. جامبىل، ماڭعىستاۋ، اتىراۋ، تۇندە باتىس قازاقستان وبلىستارىنىڭ كەي جەرلەرىندە تۇمان كۇتىلەدى، كۇندىز جامبىل وبلىسىندا نايزاعاي جارقىلدايدى.