سۇيەكتى قاتايتۋ ءۇشىن ءسۇت ءىشۋ كەرەك پە - ب ا ق

نۇر- سۇلتان. قازاقپارات - بىرنەشە ۇرپاق سۇيەكتى قاتايتۋ ءۇشىن ءسۇت ءىشۋ كەرەك دەگەن سوزدەردى ەستىپ ءوستى. ВВС باسىلىمى بۇعان قاتىستى عىلىم نە دەيتىنىن ىزدەنىپ كورىپتى.

«بالا كۇنىمىزدە بارلىعىمىزعا اتا- انامىز ءسۇت ىشسەك، سۇيەگىمىزگە پايدالى بولاتىنىن ايتاتىن. سۇتتە كالتسي كوپ. ال كالتسي سۇيەكتىڭ مينەرالدى قاتايۋىنا مۇمكىندىك بەرەدى. دەگەنمەن، ءسۇت ءىشۋ سۇيەكتى قاتايتادى دەپ ايتۋعا بولمايدى»، - دەپ جازادى باسىلىم.

اۆتوردىڭ جازۋىنشا، گارۆارد ۋنيۆەرسيتەتى 1997 -جىلدان بەرى 77 مىڭ مەدبيكەنى باقىلاپ، ولاردىڭ اراسىندا ءسۇتتى كوپ ىشكەندەردىڭ دەنساۋلعىنان ەش وزگەرىس بايقاماعان. 330 مىڭ ەر ادام قاتىسقان باسقا زەرتتەۋدە دە سۇيەك سىنۋ كورسەتكىشى ءسۇتتى تۇتىنعان تۇتىنباعانىنا قاراماستان وزگەرمەگەن.

«سۇيەكتى قاتايتۋ ءۇشىن ءسۇت ءىشۋ ەش ناتيجە بەرمەيدى. ول ءۇشىن كۇن استىندا كوپ سەرۋەندەپ، د دارۋمەنىن الىپ وتىرۋ كەرەك جانە تاماققا كالتسيي قوسپالارىن قوسقان دۇرىس»، - دەپ جازادى اۆتور.

اۆتور: ايكۇمىس بولاتبەك