قىزىلوردالىق وقۋشىلار سمارت كيىز ءۇي ويلاپ تاپتى
قازاقستان روبوتوتەحنيكا فەدەراتسياسى جىل سايىن مەكتەپ وقۋشىلارى مەن ستۋدەنتتەر اراسىندا چەمپيونات ۇيىمداستىرىپ كەلەدى. بۇگىن قىزىلوردا قالاسىندا روبوتوتەحنيكادان اتالمىش شارانىڭ وبلىستىق ىرىكتەۋ كەزەڭى وتكىزىلدى.
وندا شيەلى اۋدانىنداعى 47№ م. ۆ. لومونوسوۆ اتىنداعى مەكتەپ-ليتسەيدىڭ وقۋشىلارى دياس شامەن مەن ءجانيا الىبايەۆا Smart-كيىز ءۇي جوباسىن كوپشىلىككە تانىستىردى.
«كيىز ءۇي روبوتتار كومەگىمەن جۇرەدى. كۇن، جەل ەنەرگياسىمەن جارىقتاندىرىلادى. كيىز ءۇي - قازاقتىڭ عاجايىپ تۋىندىسى. سوندىقتان ءبىز زاماناۋي ۇيدەن گورى كيىز ءۇيدى قايتا جاڭعىرتىپ، بۇگىنگى كۇنگە لايىقتاپ جاساۋدى ماقسات ەتتىك»، - دەدى جوبانى جاساۋشىنىڭ ءبىرى ءجانيا الىبايەۆا.
اتالمىش شارا باراسىندا عىلىمي جوبالار بويىنشا قاتىسۋشى مەكتەپ وقۋشىلارى اجەلەردىڭ ۇرشىعىن ايىرباستايتىن ءجىپ يىرگىش روبوت، جەلدەتكىش، بالاما ەنەرگيا كوزدەرىمەن جۇمىس ىستەيتىن ناۋبايحانا، ءشوپ وراتىن ماشينانى باقىلايتىن اۋىلشارۋاشىلىق بازاسىن ويلاپ تاپقان. اتالعان جوبالاردىڭ بارلىعى دەرلىك سمارتفون ارقىلى باسقارىلادى.