ەلىمىزدىڭ «وتانداستار» قورى فرانسياداعى قانداستارىمىزدىڭ باسىن قوستى

None
None
نۇر-سۇلتان. قازاقپارات - «وتانداستار» قورىنىڭ وكىلدەرى فرانسياداعى قانداستارمەن كەزدەستى، دەپ حابارلايدى قازاقپارات.

قوردىڭ باسپا ءسوز قىزمەتىنەن ءمالىم ەتكەندەي، فرانسياداعى قازاق جۇرتشىلىعىمەن كەزدەسۋدە «وتانداستار» قورىنىڭ ماقسات-مىندەتتەرى تانىستىرىلىپ، ۇيىم قىزمەتىنىڭ جالپى ۇستانىمى مەن جوبا-جوسپارلارى ايتىلدى.

ايتا كەتەيىك، قور ق ر تۇڭعىش پرەزيدەنتى - ەلباسى ن. نازاربايەۆتىڭ 5-دۇنيەجۇزى قازاقتارى قۇرىلتايىنداعى تاپسىرماسىمەن قۇرىلعان بولاتىن. ماقساتى - شەتەلدەگى جانە قازاقستانعا كوشىپ كەلگەن ەتنيكالىق قازاقتارعا قولداۋ ءبىلدىرۋ.

«Отандастар» қоры ФранциядаÒ

«قازاق ەلى تاۋەلسىزدىك جىلدارىندا الىستاعى اعايىنعا قولداۋ كورسەتۋدى ەستەن شىعارعان ەمەس. ەلباسى تاپسىرماسىمەن قۇرىلعان «وتانداستار» قورى سونىڭ ايقىن دالەلى. قور ەلگە ورالعان قانداستارمەن بىرگە، شەتەلدەگى قازاق دياسپوراسىن قولداۋ باعىتىندا جۇمىس ىستەيدى. ول ءوز كەزەگىندە، جىراقتاعى وتانداستارىمىزدىڭ قۇقىعىن قورعاۋ، مادەني جانە زياتكەرلىك الەۋەتىن ساقتاۋ، قازاق دياسپوراسىمەن مادەني، ىسكەرلىك جانە باسقا دا بايلانىستاردى نىعايتۋ، سونداي-اق تاريحي وتانعا ورالۋعا نيەتتى قانداستارعا قولايلى جاعداي جاساۋ سىندى ماقساتتاردى قامتيدى»، - دەدى قور پرەزيدەنتىنىڭ كەڭەسشىسى ماعاۋيا سارباسوۆ.

سونىمەن قاتار، كەزدەسۋ بارىسىندا قانداستارىمىز وزدەرىنىڭ كوكەيتەستى ماسەلەلەرىن جەتكىزىپ، قور وكىلدەرىنەن ولاردىڭ شەشىلۋ جولىن قاراستىرۋىن سۇرادى. ماسەلەن، مۇستافا شوقاي اتىنداعى قازاق-فرانسۋز «دوستىق» قوعامىنىڭ ءتوراعاسى ياشار دينچتىڭ ايتۋىنشا، فرانسياداعى قازاق قوعامىنا لاتىن قارپىندەگى قازاق كىتاپتارى جانە قازاق-فرانسۋز سوزدىكتەرى اۋاداي قاجەت. انا ءتىلىن مەڭگەرۋگە نيەتتى قانداستارىمىز قازاقستاننىڭ جاقىن كۇندەرى تولىعىمەن لاتىن قارپىنە وتەتىندىگىنە قۋانىشتى ەكەندىكتەرىن جەتكىزدى.

«Отандастар» қоры ФранциядаÒ

ودان بولەك، ەلىمىزدەن بارعان دەلەگاتسيا فرانسياداعى قازاق دياسپوراسىنىڭ ۇلىستىڭ ۇلى كۇنى ناۋرىز دۋمانىن تويلاۋ مەرەكەسىنە، سونداعى ەتنيكالىق قازاقتاردىڭ قۇراما كومانداسى ويناعان فۋتبول ليگاسىنا قاتىستى. پاريجدەگى مۇستافا شوقايعا ارنالعان ەسكەرتكىشكە بارىپ، گۇل شوقتارىن قويدى.

سونداي-اق، «قورقىت» تۇڭعىش قازاق مادەنيەتى ورتالىعىنىڭ جۇمىسىمەن تانىستى، اتالمىش ەلدەگى اسىراندى قازاق بالالارىنىڭ وتباسىنا باردى، ولاردىڭ قازاقتىڭ ءتىلىن، مادەنيەتىن، تاريحىن مەڭگەرۋ مۇمكىندىكتەرى جايلى ءبىلىپ قايتتى.

قوردىڭ دەرەگىنە سۇيەنسەك، فرانسيا - ەۋروپاداعى قازاقتاردىڭ ەڭ كوپ شوعىرلانعان جەرى. وندا جالپى سانى 2 مىڭنان استام قانداسىمىز تۇرادى.

سوڭعى جاڭالىقتار