+7 (701) 759 90 19
-18 °С : نۇر-سۇلتان
1 °С : الماتى
USD 420.65 EUR 505.03
RUB 5.64 CNY 65.01
جاڭالىقتار

بالانى سىپايىلىققا قالاي تاربيەلەۋگە بولادى؟

23 اقپان 14:45
:ءبولىسۋ
بالانى سىپايىلىققا قالاي تاربيەلەۋگە بولادى؟

نۇر-سۇلتان. قازاقپارات - ادامنىڭ مادەنيەتتىلىگىن ەڭ ءبىرىنشى ونىڭ سىپايىلىعى بىلدىرەدى. سىپايىلىق تانىتپاي ادامدارمەن تەز ءتىل تابىسىپ كەتۋدە قيىنداۋ بولادى.

سوندىقتان دا اتا-انالارعا ايتارىمىز بالاڭىز ەسىن بىلگەننەن باستاپ وعان اينالاسىنداعى ادامدارعا سىپايىلىق تانىتۋدى ۇيرەتىپ وسىرگەنىڭىز ءجون. كەي بالالار سىپايىلىقتى بويىنا تەز سىڭىرەدى، ال كەيبىرىنە بۇل ادەتتى ۇيرەتۋگە ۇزاق ۋاقىتتى قاجەت ەتەدى.

سىپايىلىقتى بالانىڭ بويىنا ءسىڭىرۋ ءۇشىن قانداي شارالاردى جاساۋ قاجەت؟

اتا-انالاردىڭ ءارقايسىسى بالالارىن سىپايىلىققا تاربيەلەۋدى ءار ءتۇرلى جاستان باستايدى. كەيبىرى بۇل ادەتكە بالانى ءسابي كەزدەن باستاپ داعدىلاۋ كەرەك دەپ سانايدى، ال كەيبىرى وي قالىپتاسپاعان جاس بالاعا سىپايىلىقتىڭ نە ەكەنىن ءتۇسىندىرۋ مۇمكىن ەمەس دەپ ويلايدى. شىن مانىسىندە جاس كەزىنەن بالانى وسى ادەتكە داعدىلاعان دۇرىسىراق.

ومىرگە كەلگەننەن باستاپ بالا بەلگىلى ءبىر ورتادا وسەدى جانە ول اينالاسىندا بولىپ جاتقان ءار- ءتۇرلى قۇبىلىستاردى ءوز بويىنا سىڭىرەدى. وسى ورتادا ول كىشكەنتاي سابيدەن، ءوزىنىڭ جەكە ويى بار اينالاسىنداعى ادامدارعا ءوز ويىن جەتكىزە الاتىن كىشكەن ادامعا اينالاتىن ۇلكەن قادام جاسايدى. ءدال وسى شاقتا ونىڭ سىپايىلىق مىنەز- قۇلىق نورمالارى قالىپتاسادى.

بالاعا اتا-اناسىنىڭ جاقسى بالا قانداي ءتارتىپتى سىپايى بولۋ كەرەكتىگى جايلى ايتقان سوزدەرى اسەر ەتپەيدى. بالا اينالاسىنداعى ەرەسەكتەردىڭ ءوز ارالارىندا قالاي قارىم- قاتىناس جاسايتىندىعىنا قاراپ ۇلگىلى الادى.

ەگەر جانۇيادا سىپايىلىق قارىم-قاتىناس بولسا وندا بۇل جاعداي بالاعا ادەتتەگى قارىم- قاتىناس جولى رەتىندە قابىلدانادى. مۇنداي جانۇيادا بالانىڭ سوزدىك قورىنا «سيقىرلى ءسوز» ەرتە جاستان قوسىلادى. ال بۇل جاعداي اتا-انالاردىڭ ارنايى پەداگوگيكالىق ارالاسۋىن قاجەت ەتپەيدى.

ءبىر-ءبىرىن سىيلاپ، ءبىر-ءبىرىنىڭ پىكىرىمەن ساناساتىن جانۇيادا تاربيەلەنگەن بالا وزىدە ۇلكەندەردەن ۇلگى الىپ تاربيەلى سىپايى بولىپ وسەدى. بالانى تاريەلەۋدىڭ قاجەتى جوق الدىمەن ەرەسەكتەر ءوز-وزدەرىن تاربيەلەگەنى ءجون، ويتكەنى بالا اتا-انانىڭ ايناسى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات