ورالمانداردىڭ زەينەتاقىسى كوبەيدى

نۇر-سۇلتان. قازاقپارات - ەتنيكالىق قازاقتاردىڭ زەينەتاقى تۋرالى زاڭىنا جاڭا تولىقتىرۋلار ەنگىزىلدى دەپ حابارلايدى، الماتى قالاسىنىڭ ەڭبەك، الەۋمەتتىك قورعاۋ جانە كوشى-قون كوميتەتى قىزمەتكەرى دينارا سەرىك قىزى.

راس شەت ەلدە جۇرگەن قازاقتاردىڭ باسىم بولىگى اسىرەسە جاسى كەلگەن ۇلكەن كىسىلەر قازاق جەرىنە ورالۋدى اڭسايدى. ورالار ەدى، ەگەر زەينەتاقىسى ءوز ەڭبەگىنە ساي تولەنىپ جاتسا. شەت ەلدەن الاتىن زەينەتاقىعا بولا قالىپ قويعان قارت كىسىلەردىڭ ارمانى ورىندالاتىن كۇن الىس ەمەس. بۇرىندارى كوپ بالالى انالار عانا ق ر زاڭىنا سايكەس وسى ەلدە تۋىپ وسكەن ازاماتشالاردىڭ زەينەتاقىسىن الاتىن، ال نەشەمە جىلعى ەڭبەگى بار ج و و بىتىرگەن مۇعالىم، دارىگەر ت ب قازاقستان اۋماعىنان تىس جەردە جۇمىس ىستەگەندىكتەن زەينەتاقىعا ەڭ تومەنگى مولشەرمەن شىعاتىن. بيىلدان باستاپ ياكي 2019 جىلدان ءار جانعا ءوز ەڭبەك ءوتىلىن كورسەتە وتىرىپ، قازاقستاندا جۇمىس ىستەگەن ق ر ازاماتى الاتىن زەينەتاقىعا شىعۋعا مۇمكىندىك بار.

ول ءۇشىن: ءوتىنىش بەرۋشىنىڭ ەڭبەك ءوتىلىن راستايتىن قۇجاتتارعا:

- ەڭبەك كىتاپشاسى؛

- ەڭبەك كىتاپشاسى جوق نەمەسە جارامسىز بولسا، ەڭبەك كىتاپشاسىندا ءتيىستى جازبالار، ناقتىلىق بولماسا، تۇزەتۋلەر جانە وقىلۋىندا ارتۇرلىلىك بولسا ارحيۆ مەكەمەلەرىنەن نەمەسە جۇمىس ورنىنان انىقتامالار، مەملەكەتتىك ءارحيۆتىڭ نەمەسە ۆەدومستۆولىق ارحيۆتىڭ ۋاكىلەتتى قىزمەتكەرىنىڭ ەلەكتروندىق سيفرلىق قولتاڭباسىمەن كۋالاندىرىلعان ارحيۆتىك قۇجاتتىڭ ەلەكتروندىق كوشىرمەلەرى نەمەسە جۇمىس ورنىنان انىقتامالار؛

- اسكەري بيلەت نەمەسە قورعانىس ىستەرى جونىندەگى باسقارمانىڭ (ءبولىمىنىڭ) انىقتاماسى جاتادى. قولدانىستاعى زاڭ بيىلدان باستاپ قولعا الىنا باستاعاندىقتان ازىرگە الماتى قالاسى بويىنشا ەكى ءۇش ادام عانا قۇجاتىن وتكىزگەن.

تاعى ءبىر ايتا كەتەتىن جايت، اتالعان قۇجاتتاردىڭ شەت ەلدە بەرىلگەندىگىن ەسكەرە وتىرىپ، ءبىر تىلدەن ەكىنشىسىنە اۋدارمانىڭ دۇرىستىعى «نوتاريات تۋرالى» قازاقستان رەسپۋبليكاسىنىڭ 1997 -جىلعى 14 -شىلدەدەگى №155-زاڭىنىڭ 34 -بابىنىڭ، 9 -تارماقشاسىنا سايكەس كۋالاندىرىلۋى كەرەك. بۇل زاڭ ەتنيكالىق قازاقتاردىڭ بارلىعىنا بىردەي جۇرەدى. قانداي مەملەكەتتەن كەلگەندىگىنە شەكتەۋ جوق.

 finance.bugin.kz