مەملەكەت باسشىسى: جاستار ساياساتىندا ناۋقانشىلدىققا جول بەرمەۋ كەرەك

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ  «ەگەمەن قازاقستان» جانە «ايقىن» گازەتتەرىنە بەرگەن سۇحباتىندا جاستار ساياساتىن ءتيىمدى ۇيىمداستىرۋدىڭ قاجەتتىگىن اتاپ ءوتتى.

 «جاستار ساياساتىندا، جاستار تاربيەسىندە ناۋقانشىلدىققا، تيىمدىلىگى تومەن شارالاردى ۇيىمداستىرۋعا جول بەرمەۋ كەرەك. سوندىقتان، كەز كەلگەن شارانى عىلىمي نەگىزگە سۇيەنىپ، جۇيەلى تۇردە جۇزەگە اسىرعانىمىز ءجون. جاستاردىڭ العا قويعان ماقسات- مۇددەلەرىن ءبىلۋ ءۇشىن ناۋقانشىلدىق ەمەس، ناقتى زەرتتەۋلەر قاجەت» دەدى پرەزيدەنت.

سونداي- اق جاستار ساياساتىن جۇيەلى ءارى كەشەندى تۇردە جۇرگىزۋدىڭ ماڭىزىنا توقتالدى.

 «جۇيەلى ءارى كەشەندى الەۋمەتتىك زەرتتەۋ جۇرگىزۋ ارقىلى جاستاردىڭ مۇڭ- مۇقتاجىن، ماقسات- مۇددەلەرىن انىقتاپ، جاستار ساياساتىن سول قاجەتتىلىكتەرگە جاۋاپ بەرەتىن دەڭگەيدە ۇيىمداستىرۋ ماڭىزدى. ءبىز جاستارعا ءبىلىم بەرۋدى الدىڭعى قاتارعا قويامىز. تەك ءبىلىم عانا ەمەس، وتانسۇيگىشتىك رۋحتا تاربيەلەۋ ءىسىن دە باستى نازاردا ۇستاۋ كەرەك» دەدى ق. توقايەۆ.