تۇركياداعى قازاقتار تۇراتىن التاي اۋىلىنا جاڭا اكىم سايلاندى

نۇر-سۇلتان. قازاقپارات - تۇركياداعى قازاقتار تۇراتىن التاي اۋىلىنا جاڭا اكىم سايلاندى. بۇل تۋرالى وسى ەلدەگى قازاقستان ەلشىسى ابزال ساپاربەك ۇلى فەيسبۋكتەگى رەسمي پاراقشاسىندا حابارلادى.

«31- ناۋرىزداعى سايلاۋدا وسمان ۋيسال نيگدە پروۆينتسياسىنىڭ التاي قازاق اۋىلىندا اكىم بولىپ سايلانىپتى. قۇتتى بولسىن!» دەلىنگەن جازبادا.

التاي اۋىلى انكارادان 320 كيلومەتر جەردە ورنالاسقان، بۇل اۋىلعا ەڭ جاقىن قالا مەن اكىمشىلىك ورتالىق - نيدە.

بۇل جەرگە قازاقتار قىتايدىڭ التاي ولكەسىنەن بارعان جانە تۋعان ولكە قۇرمەتىنە جاڭا مەككەنىڭ اتىن «التاي» دەپ قويعان. 1955-جىلى تۇرىك بيلىگى 165 ءۇي سالىپ بەرگەن. مۇنداعى قازاقتار نەگىزىنەن اتا كاسىپ - مال شارۋاشىلىعىمەن اينالىسقان.

ايتا كەتەيىك، 31- ناۋرىزدا تۇركيادا جەرگىلىكتى باسشىلار سايلاندى.