ءىلياس جانسۇگىروۆتىڭ «قۇلاگەرى» اعىلشىن تىلىنە اۋدارىلدى

نۇر-سۇلتان. قازاقپارات - ءىلياس جانسۇگىروۆتىڭ «قۇلاگەر» كىتابى اعىلشىن تىلىنە اۋدارىلدى، دەپ حابارلايدى قازاقپارات.

ق ر ۇلتتىق اكادەميالىق كىتاپحاناسىنان ءمالىم ەتكەندەي، «قۇلاگەر» پوەماسى اعىلشىن تىلىنە العاش رەت اۋدارىلىپ وتىر جانە ول اقىننىڭ 125 -جىلدىعىنا ورايلاستىرىلعان.

«پاستەرناك، ماندەلشتام جانە سۆەتايەۆانىڭ اۋدارمالارىمەن جاقسى تانىس اعىلشىن اقىنى جانە اۋدارماشى بەليندا كۋك ءىلياس جانسۇگىروۆ قورىنا ءوز جۇمىستارىمەن كەلگەن بولاتىن. دەگەنمەن، ناقتى بۇل كىتاپتا اۋدارمامەن قازاقى ءتۇپنۇسقاسىنان قازاق جانە اعىلشىن تىلدەرىن جاقسى بىلەتىن اۋدارماشىلار مەن كەڭەسشىلەر توبى جۇمىس ىستەدى. ونىڭ ارنايى پوەتيكالىق ۇلگىسى مەن مەتافورالىق دىبىس جۇيەلەرى جاسالعاننان كەيىن عانا بەليندا كۋكقا جىبەرىلدى. باسىلىمعا ۇلتتىق اۋدارما اگەنتتىگى دەمەۋشىلىك ەتتى. ماقساتى - قازاق ادەبيەتى مەن مادەنيەتىنىڭ ۇزدىك ۇلگىلەرىن حالىقارالىق اۋديتورياعا جەتكىزۋ. يلليۋستراتسيالاردى د. قاستەيەۆ جاسادى»، - دەلىنگەن باسپا ءسوز حابارلاماسىندا.

كىتاپ 2 -ءساۋىر كۇنى ق ر ۇلتتىق اكادەميالىق كىتاپحاناسىندا تانىستىرىلادى. وعان اۋدارما اۆتورى بەليندا كۋك، گوللانديادان جانە ۇلىبريتانيادان كەلگەن كەڭەسشىلەر، قازاقستان، اقش، تۇركيا تۇركىتانۋشىلارى، فيلولوگتار، سونداي-اق اقىننىڭ ۇرپاقتارى قاتىساتىنى كۇتىلۋدە.

تۇساۋكەسەر ەلباسىنىڭ «ۇلى دالانىڭ جەتى قىرى» اتتى ماقالاسىن جۇزەگە ىسكە اسىرۋ اياسىندا وتكىزىلەدى.