قاراعاندىلىق ديزاينەر كومىردەن اشەكەيلەر جاسادى

قاراعاندى. قازاقپارات - ديزاينەر ولگا سەللەر قاراعاندىدا وندىرىلگەن كومىردەن جاساعان اشەكەيلەرىن ماسكەۋدە وتەتىن بايقاۋدا كوپشىلىك نازارىنا ۇسىنادى، دەپ حابارلايدى قازاقپارات ءتىلشىسى.

قاراعاندىدا «ۇزدىك ديزاينەر» اتتى اشىق حالىقارالىق بايقاۋ ءوتتى. بايقاۋدا قازاقستان، رەسەي جانە وزبەكستاننان كەلگەن ديزاينەرلەر وزدەرىنىڭ كيىم- كەشەكتەرى مەن اشەكەيلەرىن ۇسىندى.

بايقاۋ ۇلتتىق كوستيۋمدەردى كورسەتۋمەن اشىلدى. ودان ءارى ديزاينەرلەر ەتنو- جانە ەكو-ستيلدەگى توپتامالاردى ۇسىندى. ماۋسىمنىڭ ترەندى كيىزدەن جانە تابيعي جىبەكتەن جاسالعان بۇيىمدار بولدى. قازىرگى ءسان وبرازداردىڭ ارتۇرلىلىگىمەن تاڭعالدىردى.

«وسى جىلعى بايقاۋ جاڭا باعىتتا ءوتتى. بىزگە باسقا قالالار مەن ەلدەردەن ديزاينەرلەر كەلدى. Fashion يندۋسترياسى كوپ ىلگەرلەپ كەتتى»، - دەيدى جوبانىڭ باستاماشىسى يرينا نەچايەۆا.

 

قاراعاندىلىق ولگا سەللەر اشەكەي ديزاينىندا ۇزدىك دەپ تانىلدى. قازىلار القاسى كەنشىلەر قالاسىنىڭ ەرەكشەلىگىن بەينەلەيتىن توپتامانى جوعارى باعالادى. شەبەر ءوز اشەكەيلەرىندە كومىر مەن تابيعي گۇلدەر قولدانعان.

«نەگىزى ماماندىعىم ەكونوميست. ءتورت جىلدان بەرى ديزاين سالاسىندا جۇمىس جاساۋدامىن. بارلىعى حوببيدەن باستالدى. مەن وزىمە جانە قۇربىلارىما ارنالعان اكسەسسۋارلار جاسادىم. سودان كەيىن قارا شايىر ۇستىنە تابيعي گۇلدەردەن اشەكەي جاساۋ تەحنولوگياسىن مەڭگەردىم. حوببيىم كاسىبىمە اينالدى»، - دەيدى ديزاينەر ولگا سەللەر.