الماتىلىق جاستار نۇرسۇلتان نازاربايەۆتى گۇل شوقتارىمەن قارسى الدى
ج و و ستۋدەنتتەرىن بىرىكتىرەتىن G-38 ۇيىمىنىڭ باسقارۋىمەن ەكى مىڭنان استام الماتىلىق ستۋدەنت ەلباسىنا جاستارعا دەگەن شەكسىز قامقورلىعى مەن قولداۋى جانە تاۋەلسىز قازاقستاننىڭ قالىپتاسۋىنا قوسقان باعا جەتپەس ۇلەسى ءۇشىن جەكە العىستارىن ءبىلدىردى.
تراپتان تۇسكەن نۇرسۇلتان نازاربايەۆ ءوزى كۇتپەگەن، ءبىراق قۋانىش سىيلاعان توسىن كەزدەسۋدى ۇيىمداستىرعان جاستارعا جەكە العىسىن ءبىلدىردى.
ايتا كەتەرلىگى، الماتىدا بيىل ەكىنشى جىل قاتارىنان 2020-جىلعا دەيىنگى جاستاردىڭ جول كارتاسى جۇزەگە اسىپ جاتىر. مىسالى، «الماتى جاستارى» قالالىق تۇرعىن ءۇي باعدارلاماسى ارقىلى جاس وتباسىلار العاشقى جارناسىز %5 نەسيەمەن جەڭىلدەتىلگەن يپوتەكاعا قول جەتكىزە الادى. ەلباسىنىڭ تاپسىرماسى بويىنشا الماتىدا وتكەن جىلى بىرنەشە جاتاقحانا ىسكە قوسىلدى، بيىل تاعى 2680 ورىندى 5 جاتاقحانا سالۋ جوسپارلانعان.
ەلباسىنىڭ بەس الەۋمەتتىك باستاماسى ارقىلى قالادا ءبىلىم گرانتتارى 1,5 ەسە ءوسىپ، 28 مىڭ گرانتتى قۇرادى. الماتىدا تۇرمىسى تومەن وتباسىلاردىڭ ۇزدىك وقۋشىلارىنا وسى ايدان باستاپ ستيپەنديا بەرىلە باستادى، ياعني جوعارى وقۋ ورىندارى مەن كوللەدجدەردىڭ ستۋدەنتتەرى اي سايىن 10 مىڭ تەڭگەدەن، ال مەكتەپ وقۋشىلارى 5 مىڭ تەڭگەدەن الۋدا.
بۇلاردان وزگە، «رۋحاني جاڭعىرۋ» باعدارلاماسى اياسىندا قالادا جاستاردىڭ لوفت-ورتالىعى جۇمىس ىستەۋدە، مۇندا كوۆوركينگ ورتالىق، جاستارعا قىزمەت كورسەتۋ ايماعى، ەرىكتىلەر كورپۋسىنىڭ جانە جاتاقحاناعا كۋراتورلىق كورسەتۋدىڭ ورتالىقتارى، شەبەرحانالار بار. جاستارمەن جۇمىس ىستەۋ ورتالىعىنىڭ جەلىسى قۇرىلدى جانە جامبىل اتىنداعى كىتاپحانا قايتا جاڭعىردى. قالادا سوڭعى ەكى جىل ىشىندە جاستار اراسىنداعى جۇمىسسىزدىق 7,1-دەن %6,4 عا قىسقاردى، 20 مىڭنان استام ادام نەمەسە ءوتىنىش بەرگەندەردىڭ %91 ەڭبەكپەن قامتىلدى.
كۇنى كەشە عانا الماتىدا رەسپۋبليكا سارايى الدىندا ەل استاناسىنىڭ نۇر-سۇلتان اتانۋىنا قولداۋ بىلدىرگەن مىڭداعان ادامدىق كونسەرت ءوتتى. جينالعاندار اراسىندا تانىمال سپورتشىلار قانات يسلام مەن يسلام بايرامۋكوۆ، وتاندىق ەسترادا جۇلدىزدارى كامشات جولدىبايەۆا، كەنتال، لۋينا، رينگو، ازيا، باقاي توپتارى جانە باسقالارى بولدى.