بوزىمبايەۆ قالامقاستاعى ءورت جايىندا: باستى ماسەلە جالىندى توقتاتۋ بولىپ تۇر

None
None
استانا. قازاقپارات - ق ر ەنەرگەتيكا ءمينيسترى قانات بوزىمبايەۆ «قالامقاس» مۇناي-گاز كەن ورنىنداعى ورتكە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ناشار تسەمەنتتەلگەن نەمەسە كاروتاج جۇمىستارىن ناشار جۇرگىزۋى مۇمكىن. قازىر ەڭ باستى ماسەلە - ونى قالاي توقتاتۋدا بولىپ تۇر. ءبىرىنشى ورىنباسارىم (ءبىرىنشى ۆيتسە-مينيستر ماحامبەت دوسمۇحامبەتوۆ - اۆت) سول جاقتا، وقيعا ورنىندا. ول جۇمىس جاساپ جاتىر. بۇگىن سول جەردە شتاب قانداي دا ءبىر نەگىزگى شەشىم قابىلدايتىن بولادى. ۆيدەودا گاز، گا-سۋ قوسپاسى جانىپ جاتىر. زارداپ شەككەندەر جوق، ول جەردە كاسىبي مۇنايشىلار جۇمىس ىستەيدى. ەلدى مەكەن الشاق ورنالاسقان. مۇنان ۇلكەن تراگەديا جاساۋدىڭ قاجەتى جوق. ءمان-جايدى انىقتايمىز، كىنالىنى انىقتايمىز. ولار شىعىندى وتەيتىن بولادى»، - دەدى قانات بوزىمبايەۆ ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.

ەسكە سالا كەتەيىك، 25-ناۋرىز كۇنى ساعات 07:10 دا ماڭعىستاۋ وبلىستىق ت ج د كەزەكشى-ديسپەتچەرلىك قىزمەتىنە ماڭعىستاۋ اۋدانىنداعى «ماڭعىستاۋ مۇناي گاز» ا ق- تىڭ «قالامقاس» مۇناي كەن ورنىنداعى ۇڭعىمالاردىڭ بىرىنەن شىققان گاز جانىپ، بيىكتى 10 مەترگە دەيىن جالىن اتقىلاپ تۇرعاندىعى تۋرالى حابارلاما تۇسكەن. ءورت اۋماعى 900 شارشى مەتردى قۇراعان.

ونىڭ الدىندا، 13- ناۋرىزىندا ماڭعىستاۋ وبلىسىنداعى «قالامقاس» مۇناي-گاز كەن ورنىندا «سي بۋ» ينجەنەرلىك بۇرعىلاۋ كومپانياسى» ج ش س جوبالىق تەرەڭدىگى 903 مەترلىك 8237№ ۇڭعىماسىن بۇرعىلاۋ بارىسىندا گاز-سۋ قوسپاسى اتقىلاپ، توتەنشە جاعداي بولعان ەدى. اتالعان فاكتى بويىنشا ەنەرگەتيكا مينيسترلىگى مۇناي-گاز كەشەنىندەگى مەملەكەتتىك ينسپەكتسياسى باتىس ءوڭىرارالىق باسقارماسى مەن ماڭعىستاۋ وبلىستىق ەكولوگيا دەپارتامەنتى «ماڭعىستاۋ مۇناي گاز» ا ق- عا قاتىستى تەكسەرۋ تاعايىنداعان.

سوڭعى جاڭالىقتار