10:51, 26 - ناۋرىز 2019 | GMT +6
ەلوردادا سوقتىعىسقان اۆتوبۋستار سالدارىنان ەكى ادام كوز جۇمدى
نۇر- سۇلتان. قازاقپارات - ەلوردادا ەكى جولاۋشىلار اۆتوبۋسىنا ءۇشىنشىسى سوعىلدى، دەپ حابارلايدى قازاقپارات ءتىلشىسى.
«بۇل قالا ماڭىنداعى باعدار، ەكى اۆتوبۋسقا ءۇشىنشىسى كەلىپ سوعىلدى. قازىرگى كەزدە وقيعانىڭ ءمان- جايى انىقتالىپ جاتىر. زارداپ شەككەندەر بار ەكەندىگى تۋرالى مالىمەت كەلىپ ءتۇستى. الدىن الا اقپارات بويىنشا مەرت بولعان ادامدار دا بار»، - دەپ جاۋاپ قايىردى رەسمي ساۋالعا «Astana LRT» ج ش س قوعاممەن بايلانىس دەپارتامەنتىنىڭ باسشىسى ناۋات ازانبايەۆا.
ەلوردا پوليتسياسى كوز جۇمعان ادامدار تۋرالى اقپاراتتى راستادى.
«ءۇش اۆتوبۋسقا قاتىستى جول- كولىك وقيعاسى تىركەلدى. اپاتتىڭ سەبەبى انىقتالۋدا. الدىن الا مالىمەت بويىنشا 303- باعداردىڭ جۇرگىزۋشىسى مەن جولاۋشىسى وقيعا ورنىندا كوز جۇمدى»، - دەلىنگەن پوليتسيا دەپارتامەنتىنىڭ حابارلاماسىندا.
اۆتور: رۋسلان عابباسوۆ