قالامقاس كەن ورنىنداعى ءورتتى اۋىزدىقتاۋ مۇمكىن بولماي تۇر - ق م گ

نۇر- سۇلتان. قازاقپارات - ماڭعىستاۋ وبلىسىنداعى «قالامقاس» مۇناي كەن ورنىندا تۇتانعان ءورتتى اۋىزدىقتاۋ قيىنعا سوعۋدا، دەپ حابارلايدىقازاقپارات «قازمۇنايگاز» ۇ ك» ا ق باسپا ءسوز قىزمەتىنە سىلتەمە جاساپ.

«قازىرگى كەزدە ءورتتى سوندىرۋگە ماڭعىستاۋ وبلىستىق ت ج د، «سەمسەر - ءورت ءسوندىرۋشى» ج ش س جانە «فاير پروتەكشن ل ت د» ج ش س- ءنىڭ 53 قىزمەتكەرى جانە 12 تەحنيكاسى جۇمىلدىرىلعان. بىرنەشە رەت لافەتتىك ۇڭعىلاردىڭ كومەگىمەن ءورتتى اۋىزدىقتاۋعا ارەكەت جاسالدى. ءبىراق ءورتتىڭ وشاعىنا تىكەلەي كىرەتىن جولدار بولماعاندىقتان، جالىندى اۋىزدىقتاۋ ازىرگە مۇمكىن بولماي وتىر»، - دەلىنگەن حابارلامادا.

ەسكە سالا كەتەيىك، 25 - ناۋرىز كۇنى ساعات 07-10-دا ماڭعىستاۋ وبلىستىق ت ج د كەزەكشى- ديسپەتچەرلىك قىزمەتىنە ماڭعىستاۋ اۋدانىنداعى «ماڭعىستاۋ مۇنايگاز» ا ق- تىڭ «قالامقاس» مۇناي كەن ورنىنداعى ۇڭعىمالاردىڭ بىرىنەن شىققان گاز جانىپ، بيىكتى 10 مەترگە دەيىن جالىن اتقىلاپ تۇرعاندىعى تۋرالى حابارلاما تۇسكەن. ءورت اۋماعى 900 شارشى مەتردى قۇراعان.

ونىڭ الدىندا، 13 - ناۋرىزىندا ماڭعىستاۋ وبلىسىنداعى «قالامقاس» مۇناي- گاز كەن ورنىندا «شي بۋ» ينجەنەرلىك بۇرعىلاۋ كومپانياسى» ج ش س جوبالىق تەرەڭدىگى 903 مەترلىك №8237 ۇڭعىماسىن بۇرعىلاۋ بارىسىندا گاز- سۋ قوسپاسى اتقىلاپ، توتەنشە جاعداي بولعان ەدى. اتالعان فاكتى بويىنشا ەنەرگەتيكا مينيسترلىگى مۇناي- گاز كەشەنىندەگى مەملەكەتتىك ينسپەكتسياسى باتىس ءوڭىرارالىق باسقارماسى مەن ماڭعىستاۋ وبلىستىق ەكولوگيا دەپارتامەنتى «ماڭعىستاۋ مۇنايگاز» ا ق- عا قاتىستى تەكسەرۋ تاعايىنداعان.