اسەت يسەكەشەۆ جاڭا قىزمەتكە تاعايىندالدى

None
None
نۇر- سۇلتان. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ شەشىمىمەن اسەت ورەنتاي ۇلى يسەكەشەۆ قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورىنىڭ اتقارۋشى ديرەكتورى بولىپ تاعايىندالدى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

اسەت يسەكەشەۆ 1971 -جىلدىڭ 17- تامىزىندا تۋعان. 1994 -جىلى ءال-فارابي اتىنداعى قاز ۇ ۋ- دىڭ زاڭ فاكۋلتەتىن بىتىرگەن. 1998 -جىلى قازاقستان رەسپۋبليكاسىنىڭ پرەزيدەنتى جانىنداعى جوعارى مەملەكەتتىك باسقارۋ مەكتەبىن اياقتادى. قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىندە، قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىندە جۇمىس ىستەدى.

 2003-2006 -جىلدارى  قازاقستان رەسپۋبليكاسى يندۋستريا جانە ساۋدا ۆيتسە-ءمينيسترى.

 2006-2007 -جىلدارى  «قازىنا» تۇراقتى دامۋ قورى» ا ق باسقارماسى ءتوراعاسىنىڭ ورىنباسارى.

 2007- 2008 -جىلدارى « Credit Swiss  (قازاقستان)» كومپانياسىنىڭ قارجىلىق جوبالار ماركەتينگى جونىندەگى ديرەكتورى.

2008 -جىلعى اقپاننان 2009 -جىلعى مامىر ارالىعىندا قازاقستان رەسپۋبليكاسى پرەزيدەنتىنىڭ ەكونوميكالىق ماسەلەلەر جونىندەگى كومەكشىسى.

 2009 -جىلعى مامىردان باستاپ قازاقستان رەسپۋبليكاسى يندۋستريا جانە ساۋدا ءمينيسترى.

 2010 -جىلدىڭ ناۋرىزىنان باستاپ قازاقستان رەسپۋبليكاسى پرەمەر- ءمينيسترىنىڭ ورىنباسارى - يندۋستريا جانە جاڭا تەحنولوگيالار ءمينيسترى.

 2012 -جىلدىڭ قاڭتار ايىنان باستاپ يندۋستريا جانە جاڭا تەحنولوگيالار ءمينيسترى.

 2012 -جىلدىڭ قىركۇيەگىنەن  قازاقستان رەسپۋبليكاسى پرەمەر- ءمينيسترىنىڭ ورىنباسارى - قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترى.

 2014 -جىلدىڭ 06 - تامىزىنان باستاپ ينۆەستيتسيالار جانە دامۋ ءمينيسترى.

 2016 -جىلعى 21 - ماۋسىمنان باستاپ قازاقستان رەسپۋبليكاسى پرەزيدەنتىنىڭ № 288 -جارلىعىمەن استانا قالاسىنىڭ اكىمى بولىپ تاعايىندالعان. سوڭعى كەزدە پرەزيدەنت اكىمشىلىگىن باسقارعان.

سوڭعى جاڭالىقتار