10:06, 26 - ناۋرىز 2019 | GMT +6
ايدىن ءتاجىعالي ازيا چەمپيوناتىندا جۇلدەگەر اتاندى
اتىراۋ. قازاقپارات - اتىراۋلىق بالۋان ايدىن ءتاجىعالي ەركىن كۇرەستەن 23 جاسقا دەيىنگى ەرەسەكتەر اراسىندا ازيا چەمپيوناتىنىڭ قولا جۇلدەگەرى اتاندى، دەپ حابارلايدى قازاقپارات.
موڭعوليا استاناسى ۇلان-باتىردا ءوتىپ جاتقان قۇرلىق دوداسىندا جەرلەسىمىز 70 كەلى سالماقتا سىنعا ءتۇستى. العاشقى كەزدەسۋىندە جەرلەسىمىز تۇركىمەنستان سپورتشىسىن 10:0 ەسەبىمەن ۇتتى. ەكىنشى بەلدەسۋدە قىتايلىقتان 12:2 ەسەبىمەن باسىم ءتۇستى. ءۇشىنشى كەزدەسۋدە يران بالۋانىنا 8:5 ەسەبىمەن ۇتىلىپ قالدى.
ءۇشىنشى ورىن ءۇشىن تالاستا قىرعىز ەلىنىڭ بالۋانىن 12:2 ەسەبىمەن ۋاقىتىنان بۇرىن قاپى قالدىردى.
ايتا كەتۋ كەرەك، ازيا قۇرلىعى دوداسىندا تاعى ءبىر اتىراۋلىق گرەك-ريم كۇرەسى شەبەرى قاھارمان قيسمەتوۆ قولا جۇلدەگەر اتانعان بولاتىن.